منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

حمام الاربع للرجال

شاطر

descriptionحمام الاربع للرجال

more_horiz
حمام الابع " للرجال "










وراء برجين مركز التجارة وفندق «كونراد» على كورنيش النيل وفي تفريعة من تفريعات الشوارع الضيقة بتاعة شبرا هـ تلاقي «حمام الأربع» في نفس




المكان اللي كان فيه من 500 سنة، الحمام بـ يعمل مساج وحمامات بخار وغسيل كامل للجسم كل ده بـ 25 جنيه! وأيًا كان رأيك في الموضوع، لو رُحت وجربت مش هـ تخسر حاجة غير شوية القشر اللي هـ يطلع من جسمك بعد الحمام.













واحد اسمه «عوكل» من زبائن الحمام المخلصين اشترى المكان من حوالي 11 سنة من الملاك الأصليين وعمل تجديد للمكان المتهالك وحاول على قد ما قدر أنه يحافظ على الطابع الجمالي للمبنى. هـ تحس أنك رجعت بالزمن وأنت داخل المكان وبـ تتأمل تفاصيله رغم أن الذوق الشعبي الحديث ساب رتوش على معماره الأثري، ومع ذلك القاعة الكبيرة اللي سقفها على شكل قبة هـ تزود عندك إحساس النوستالچيا (الحنين إلى الماضى).













الحمام على بُعد 5 دقائق مشي من قسم شرطة بولاق فيستحسن أنك تركن عند القسم وتتمشى إلى الحمام. لو سألت أي حد هـ يدلك على طول بس اتأكد أنك سألت على حمام الأربع علشان حمام التلات لاصق فيه.













الحمام ماشي على نظام الحمام التركي اللي أتوجد في مصر أيام الدولة العثمانية والحمام المغربي كمان. الأول بـ تدخل أوضة مليانة بخار بـ تفضل قاعد فيها شوية قبل ما تأخذ أول دش بارد! طريقة العلاج بالمياه دي اللي بـ تختبر قدرتك على تحمل التغير المفاجئ لدرجات الحرارة بس في نفس الوقت بـ تنشط الدورة الدموية في جسمك. فاعلية طريقة العلاج مش أكيدة قوي بس الأكيد أنها بـ تجدد الحيوية، وهي بـ تخضك وبـ تفور دمك! احتمال تدوخ شوية بس قالوا لنا أن ده عادي وصحي ومعناه أن الجسم بـ يجدد طاقته وهو بـ يحاول يحافظ على درجة حرارته الداخلية.













الحاجة المُميزة بقى للمكان فعلاً هي التدليك والغسيل الكامل للجسم. الرجل اللي بـ يعمل مساچ عنده حاجة وأربعين سنة كده وعنده كِرش مدوَّر منور القعدة لأنه مش لابس حاجة غير البشكير الأبيض ورابطه جامد على وسطه، وطول ما هو شغال هـ تلاقي كرشه بـ يخبط فيك غصب عنه بس ما تاخدش في بالك. بـ يستخدم صابون للتدليك بدل الزيت وبـ يبتدي بالرقبة وبـ ينزل على الصدر والظهر وكله بـ يتم بسرعة وتركيز. ومن كتر السرعة والقوة اللي بيتم بيها المساچ الموضوع بـ يبقى خالي تمامًا من الاسترخاء والراحة المتوقعين من جلسة مساچ! لكن بعد ما الجلسة تخلص هـ تحس أن عضلاتك استرخت.




بعد كده غسيل الجسم وده بـ يعمله رجل أصغر من الأولاني شوية في السن وبـ يكون لابس جوانتي كده مِحبِب عشان يفرك به القشر والجلد الميت من على الجسم كله وبعدها تغسل نفسك بمياة بس عشان تِنزِّل الصابون وتروح تاني تقعد في البخار وتأخذ غطس في المياة الباردة زي ما عملت في الأول.




حمام الأربع فيه مكان للانتظار على ما يجي دورك وممكن تطلب شاي أو قهوة. الزبائن خليط ظريف جدًا من الناس، يا إما عمال وناس بسيطة أو سياح أجانب غاويين مغامرات.




الموضوع مش كوميدي زي ما أنت فاكر بالعكس أنت ممكن تدمن الحمام وتلاقي نفسك عايز تروح من وقت للتاني. الحمام مش غالي ونظيف، روح مع شلة من أصحابك عشان تتبسطوا أكثر.













احسن حاجة




علقة المغطس الساقع بعد البخار السخن هـ تفوَّر دمك وتنعشك!













اسوأ حاجة




لازم تسأل رجالة «عوكل» عن خطوات الحمام، وهما هـ يعملوا إيه فيك بالظبط لأنهم مش هـ يقولولك من نفسهم على افتراض أنك عارف.













نصيحة فتوكية




أحسن ميعاد هو قبل المغرب بشوية، من أول الساعة 6 المكان بـ يتزحم لحد منتصف الليل، والخميس أكثر يوم زحمة طبعًا.


smile2 smile d smile2


عدل سابقا من قبل فتوك باشا في الأربعاء 13 يونيو 2018, 3:10 am عدل 2 مرات


descriptionرد: حمام الاربع للرجال

more_horiz
و الله بفكر اروح


لا اله الا الله ******* محمد رسول الله

descriptionرد: حمام الاربع للرجال

more_horiz
zsu-23-4 shilka كتب:
و الله بفكر اروح


لو هتروح قولى اجى معاك الصيف دخل و العضلات لازم تبان ههههههه


descriptionرد: حمام الاربع للرجال

more_horiz
شكرا لموضوعك وهو المكان دة مواعيده اية

descriptionرد: حمام الاربع للرجال

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
شكرا لموضوعك وهو المكان دة مواعيده اية


الاسم: حمام الأربع
النوع:
منتجع صحي
تصنيف:
صحة ولياقة
العنوان:
5 شارع الأنصاري، بولاق أبو العلا
المنطقة: وسط البلد
المدينة: القاهرة ، مصر
رقم التليفون: 0105790760، 29860588
مفتوح من: من 9 صباحاً - 5 مساءً للسيدات ومن 6 مساءً - 6 صباحاً للرجال


و اى خدمة انا موجود
و تبقى فكرة حلوة لو جمعنا بعض و روحنا كلنا للى عاوز يروح و تبقى رحلة برعاية " فتوك "

:هابى: :هابى: :هابى: :هابى: :هابى:


descriptionرد: حمام الاربع للرجال

more_horiz
Admin كتب:
zsu-23-4 shilka كتب:
و الله بفكر اروح


لو هتروح قولى اجى معاك الصيف دخل و العضلات لازم تبان ههههههه

ماشى يا معلم بس اخلص امتحانات الاول و اية حكاية العضلات معاك ؟ javascript:emoticonp(':هابى:') javascript:emoticonp(':هابى:') javascript:emoticonp(':هابى:')


لا اله الا الله ******* محمد رسول الله

descriptionرد: حمام الاربع للرجال

more_horiz
Admin كتب:
[ندعوك للتسجيل في المنتدى أو التعريف بنفسك لمعاينة هذا الرابط] كتب:
شكرا لموضوعك وهو المكان دة مواعيده اية


الاسم: حمام الأربع
النوع:
منتجع صحي
تصنيف:
صحة ولياقة
العنوان:
5 شارع الأنصاري، بولاق أبو العلا
المنطقة: وسط البلد
المدينة: القاهرة ، مصر
رقم التليفون: 0105790760، 29860588
مفتوح من: من 9 صباحاً - 5 مساءً للسيدات ومن 6 مساءً - 6 صباحاً للرجال


و اى خدمة انا موجود
و تبقى فكرة حلوة لو جمعنا بعض و روحنا كلنا للى عاوز يروح و تبقى رحلة برعاية " فتوك "


فكرة و الله و تبقى تعارف للفتاتيك


لا اله الا الله ******* محمد رسول الله

descriptionرد: حمام الاربع للرجال

more_horiz

نفسك جسمك حيويته ترجع ... تعالى معايا حمام الاربع
** admin **


descriptionرد: حمام الاربع للرجال

more_horiz
لوسمحتوا ممكن سؤال
هو مش في حمام التلات للرجال ولا هو ده للنساء فقط,,,والرجال لهم حمام الأربع؟؟؟ طيب سؤال كمان لو واحد عاوز يروح الحمام ده عشان زفافه بيتكلف أد إيه؟؟؟؟ وجزاكم الله خيرآ


descriptionرد: حمام الاربع للرجال

more_horiz
الحمام دا جنب حمام التلات بالظبط .... و كمان للرجالة من 6 مساءا ل 6 صباحا
و للسيدات من 9 صباحا لـ 5 مساءا ..... الرجالة بيتكلف من 25 ل150 ج .."للزوار العاديين " 25 ج
انما معرفش طبعا للسيدات بكام .... معلش المنتدى رجالى فقط و بيشمل كل شئ خاصبالرجالة بس


descriptionرد: حمام الاربع للرجال

more_horiz
طيب مينفعش يكون حمام الجمعة علشان الأربع عندي شغل ؟؟؟

descriptionرد: حمام الاربع للرجال

more_horiz
لو ضغطنا عليه يمشى الجمعة .... المهم اننا ننضف من عرق الشغل و بلاويه


descriptionرد: حمام الاربع للرجال

more_horiz
وفى حاجه ممكن اخدها معايا المكان ذى الفوط او شامبوا اوى اى حاجه من الحاجات دى ولا مخدش معايا حاجه خالص

descriptionرد: حمام الاربع للرجال

more_horiz
طيب انا عايز اروح خدونى معاكم

descriptionرد: حمام الاربع للرجال

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
وفى حاجه ممكن اخدها معايا المكان ذى الفوط او شامبوا اوى اى حاجه من الحاجات دى ولا مخدش معايا حاجه خالص


بص يا باشا ... انت هتيجى عادى خالص بس يستحسن تاخد موبايل رخيص اوى " احتياطيا " و تاخد معاك مايوه او بوكسر .. و كدة كدة انت بتلف بشكير على وسطك .. بس تحسبا للبشكير يتفك ولا حاجة ... و مفيش داعى للشامبو او الحاجات دى ... لان بيبقى زحمة و اللى بيليفك او " اللى بيكيسك "
بيخلص شغلو و بتروح الدش ... بتتعامل زى المساجين " سورى يعنى فى التشبيه و ربنا ما يجيب سجن ولا حاجة " بتقف وواحد بيرشك بالماية
يدوبك تنزل اثار التكييس و الصابون اللى عليك و بتنشف و تطلع تلبس ... مش هيستناك تاخد حمام كامل

بعكس البيوتى سنترز اللى موجودة فى المهندسين و العجوزة و المناطق دى .... بس التذكرة بتتعدى الــ 200 ج


descriptionرد: حمام الاربع للرجال

more_horiz
ايه رايكو نروح كلنا يوم الوقفه؟

descriptionرد: حمام الاربع للرجال

more_horiz
:55:
لو سمحتم هو نظام المكان ايه بالنسبة للحجز بيكون المعاد قريب ولا بيحدف بعيد؟
وسامع ان فيه قسم ازالة الشعر بالشمع ده للرجال عادي يعني ؟
وياريت الاسعار لو سمحتم ؟

descriptionرد: حمام الاربع للرجال

more_horiz
بص يا باشا ... هو المواعيد عادى بالاسبقية بس فى نفس اليوم
هو الحمام مقسوم فترتين ... فترة صباحية من 9 اـ 5 سيدات و من 6 لـ الفجر رحال
الدخول ب 25 ج .. و طبعا جيب انت حاجتك ( بشكيرك و ليفتك و الصابون بتاعك ) احسن و افضل من اللى هناك

هو اعتقد ان فى قسم لازالة الشعر بالشمع بس تقريبا تبع السيدات
لو عاوز تعمل ازالة فى مركز تجميل رجالى وحريمى و جيم فى فندق النبيلة 3 دور - العجوزة بس ب 250 ج

و عموما العنوان ميتوهش زى ما مكتوب فوق ... و اى خدمة انا تحت امرك


:هابى: :bounce: :هابى: :bounce: :هابى:


descriptionرد: حمام الاربع للرجال

more_horiz
طب والفروع الى فى الاسكندرية


descriptionرد: حمام الاربع للرجال

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
طب والفروع الى فى الاسكندرية


لا يا غالى هو فرع واحد بس اللى فى القاهرة ملوش فوع تانى

بس فى حمامات زيه فى اسكندرية ... مش فاكر بالظبط فين
انا اسمع عن " بير مسعود " بس مش عارف نظامه ايه


descriptionرد: حمام الاربع للرجال

more_horiz
انت تعرف بير مسعود دة اة
مش الى فى دماغك خالص
دة عبارة عن بير جمب بحر
البير دة بيوصل للبحر
يعنى ممكن تنزل فية وتطلع من البحر بس بتعد دة تحت
وانشاء الله لما اروح البحر فى اى وقت هصورة وهنزلك الصور علشان تشوفة


descriptionرد: حمام الاربع للرجال

more_horiz
يارريت يبقى كتر خيرك
و ابقى حطها فى قسم " صور من عدستى " عشان نعملك VOTE عليها


descriptionرد: حمام الاربع للرجال

more_horiz
أتمنــــى لكـ من القلب .. إبداعـــاً يصل بكـ إلى النجـــوم ..

سطرت لنا أجمل معانى الحب

بتلك الردود الشيقة التي تأخذنا

إلى أعماق البحار دون خوف

بل بلذة غريبة ورائعة

دمت لنا ودام قلمك

descriptionرد: حمام الاربع للرجال

more_horiz
جزاك الله خيرا


descriptionممتاز و انا موافق انى اروح معاكم

more_horiz

تمااااااااااااااام ياريت اروح انا و اى حد من المنتدى و فعلا هتبقى رحله فتوكيه ممتازة 

🅱 شباب 🅱
صلاحيات هذا المنتدى:
لاتستطيع الرد على المواضيع في هذا المنتدى