شاطر
استعرض الموضوع السابقاذهب الى الأسفلاستعرض الموضوع التالي
avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1009
التقييم : 21
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

افضل انواع الكلاب ممكن تربيتها فى البيت

في الإثنين 08 أغسطس 2011, 2:07 pm
أفضل أنواع من الكلاب ممكن اقتنائها و تربيتها في المنزل

طبعا أول حاجة هي ازاي نختار الكلب اللي ممكن نربيه في البيت، وانا هبتدي استعرض أفضل مجموعه من الكلاب ممكن تربيتها في البيت و العرض هيكون على حسب السهولة في التدريب والتربية مش على اي معيار تاني، يعني لا هرتب على حسب الشراسه او اي حاجة، ومع كل نوع هكتب مميزاته و ليه هو سهل وعيوبه طبعا الكلام ده خاص بالتربيه في المنزل، يعني ممكن المميزات تكون عيوب في حالات تانية.

ده ميمنعش ان اي كلب ممكن يتربي في شقه بس اكيد هنواجه صعوبات في تربيه انواع معينة وهنحتاج معامله خاصة، و الانواع دي مش هتنتكلم عنها دلوقتي خالص. وكلامي في الموضوع ده خاص بتربيه الكلاب في المنزل اللي فيه عائله، يعني مش منزل عايش فيه شخص لوحده، لان لو الواحد عايش لوحده ممكن يربي اسد علشان هيكون رايق ليه ههههههههههه. المهم نبتدي الموضوع ونقول
بسم الله الرحمن الرحيم

-----------------------------------------------
1- الجولدن ريتريفر(Golden Retriever):



طبعا كلب غني عن التعريف وبيعتبر افضل خيار للتربية في المنازل، وهو اساسا كلب صيد مهمته انه يطارد الفريسه ويجيب الفريسه بعد اصطيادها،

مميزاته:

1- كلب ذكي جدا جدا، بيستجيب للتدريب بسهولة وذكاء وسرعة.
2- بيتقن التدريبات الجديده بسرعه ودقه.
3- غير شرس وودود جدا مع اصحابه ومع الغرباء.
4- كلب نشيط ومرح ومحب للعب.
5- حجمه مش كبير بصوره مبالغ فيها وده بيديله ميزه كبيره في البيت.
6- شكله جميل وحبوب وخصوصا للبنات.
7- مفيش خطوره منه مع الأطفال وبيعتبر من افضل الكلاب في رعاية الأطفال، حنون بدرجة كبيره جدا جدا ومخلص لاصحابه.
8- سهل جدا تربيته مع اي حيوانات اخرى زي الكلاب او القطط.


عيوبه:

1- كلب بيحب النباح وصوته عالي وده طبعا بيسبب ازعاج كبير وخصوصا انه ممكن يعمل مشاكل مع الجيران.
2- فروته كثيفه نوعا ما وبيتبع كده مجهود في الاستحمام و النظافه.
3- غير شرس يعني لا يمكن اعتباره كلب حراسه من الدرجة الاولى او الثانيه.
4- نشاطه الزايد و شقاوته لو لم يتم السيطره عليهم بصوره صحيحه هينقلب الموضوع لجحيم لانه ممكن يدمر حاجات كتير في المنزل.

------------------------------------------------------

2-اللابرادور (Labrador Retriever)




نفس مواصفات ومزايا وعيوب الجولدن ريتريفر لكن بيختلف عنه في كام نقطه:

1- غير حيوي ومرح بنفس درجة الجولدن ريتريفر
2- شكله بيوحي بالشراسه اكتر من الجولدن ريتريفر، ودي ميزه لانه ممكن في الحراسه يخوف اي حد ملوش في الكلاب، لكن بردو مش هيكون حارس مثالي.

-----------------------------------------------------

3-الجيرمن شيبرد (German Shepherd):





طبعا كلب مفيش حد ميعرفوش، وبيعتبر أفضل خيار للتربية في المنزل بعد الجولدن واللابرادور لتميزه بحس الحراسه وصفاته الكتيره اللي عايزه مجلدات علشان نتكلم فيها.

مميزاته:


1-سهل جدا في تدريبه و تربيته، درجة ذكاءه عاليه جدا جدا، بيستوعب التدريبات و الأوامر بسرعة كبيرة يعني مناسب لأي حد ملوش خبرة في الكلاب.
2- كلب نشيط ومرح ومحب لأصاحبه جدا جدا.
3- وفي لأصحابه بصورة رائعة.
4- شرس وحارس يقظ و مثالي جدا.
5- شكله جميل وطبعا بيميل ليه الولاد أكتر من البنات لان شكله بيوحي بالقوة و الشراسه مع الجمال.
6- حجمه بردو مش كبير اوي بصورة تعوق تربيته في المنزل.
7- كلب حنون جدا مع الأطفال وسهل تربيته معاهم ومفيش خوف منه عليهم ابدا بالعكس انت تطمن على اطفالك مع الجيرمن تماما.
8- سهل تربيته مع اي حيوانات اليفه أخرى بشرط انك تعوده على كده من الصغر.


عيوبه:

1- فروته وشعره في انواع منه بتكون كثيفه ومحتاج عناية واهتمام دوري من تمشيط و استحمام.
2- لو لم تتم السيطره على شراسته ممكن يكون مؤذي وخصوصا للغرباء.
3- بردو بيحب النباح وصوته عالي اوي.
4- محتاج تدريب و الخروج بيه يوميا في نزهات طويله للمحافظة على لياقته و صحته.
5- غيور وبيحب صاحبه اوي، ولو صاحبه اهمله او انشغل بيه ممكن يعمل اي حاجة علشان يجذب انتباهه.

----------------------------------------------

4-البوكسر (Boxer):


البوكسر من ألطف الكلاب اللي ممكن تربيتها في المنزل، بس عيوبه في المنزل بتطغى على مميزاته خصوصا بالنسبه لطريقة حياتنا كمصريين و عرب.

مميزاته:


1- ذكي جدا جدا، وسهل- في تدريبه وتلقينه اساليب وحيل جديده.
2- كلب حيوي وشقي ومرح وظريف جدا جدا، خصوصا انه بيصدر صوت مضحك جدا لما يكون فرحان وسعيد.
3- فروته قصيرة ومش محتاجه عناية كبيره.
4- نباحه قليل ومش مزعج زي الجولدن و اللابرادور و الجيرمن.
5- مثالي لأي شخص بيمارس رياضة الركض او الهرولة لانه بيحتاج يبذل مجهود للمحافظة على رشاقته.
6- كلب شرس جدا وممكن تشريسه مع الغرباء او الحيوانات، وعامة حارس مثالي.
7- ودود جدا مع الأطفال بس بسبب شقاوته ممكن يسبب ليهم أضرار، لذلك لا ينصح بتركه فترات طويله معاهم من غير مراقبة.


عيوبه

1- نشيط و حيوي بصورة ممكن تكون مدمره خصوصا انه بيقفز بقوائمة الاربعه في نفس الوقت و قفزته عاليه ممكن توصل لمتر ونص، وطبعا بالشكل ده هتلاقيه بسهوله فوق اي حاجة عندك في البيت لو متمتش السيطره على افعاله بصورة صحيحه.
2- عنيد بعض الشيء لو تم تدريبه بصورة خاطئه او تم الافراط في تدليله.
3- محتاج نظام رياضي خاص للمحافظة على رشاقته وصحتة.
4- شكله لبعض الناس غير محبوب وخاصة البنات.
5- علشان يكون شكله حلو خاصة للهواة بنضطر نعمل له عملية قص الذيل و وتقويم الاذن اللي بتكون مكلفة شويه.
6- محتاج شخص له خبرة في التدريب علشان يقدر يسيطر عليه ويدربه بصورة صحيحة.
7- غيطبعا من الكلاب اللي ليها شعبيه كبيرة اوي والكل بيحبه لصفاته الرائعة، وهو اساسا من كلاب الرعي و بيستخدم في الحراسه ومن أفضل كلاب الحراسه في العالم.


----------------------------------------------

5- الرودفايلر (Rottweiler):



طبعا من الكلاب اللي ليها شعبيه كبيرة اوي والكل بيحبه لصفاته الرائعة، وهو اساسا من كلاب الرعي و بيستخدم في الحراسه ومن أفضل كلاب الحراسه في العالم.

مميزاته:

1- كلب وفي لصاحبة لأبعد الحدود لدرجة انه ممكن يموت نفسه في سبيل صاحبه.
2- ذو بنية جسدية قوية جدا بتأهله يكون حارس مثالي جدا.
3- مناسب جدا للذكور لما يوحي به شكله من قوة و هيبة ووقار.
4- ذكي جدا واستيعابه عالي لأي اوامر او تدريبات جديده.
5- حنون جدا مع الأطفال، لكن نظرا لقوته و ضخامته ممكن يأذي الأطفال بغير قصد.
6- لا ينبح كثيرا وهادي جدا في اوقات فراغه.


عيوبه:



1- محتاج اهتمام و رعاية كبيرة، خصوصا في التدريب لأنه كلب مليء بالعضلات ولازم يتعمل له برنامج تدريب سليم، وطبعا لازم يخرج كل يوم ويجري علشان يبدد الطاقة الزايده في جسمه.
2- عنيد جدا ودماغه ناشفه ومحتاج شخص تكون له خبره كبيرة اوي في تربية الكلاب ولا ينصح بيه بتاتا لأي مبتدئ.
3- نظرا لضخامه بنيته فبيكون محتاج تغذيه خاصه و مكلفه.
4- شرس لأبعد الحدود مع الغرباء وخطر جدا عليهم وممكن يعمل مصايب مع اي غريب وصعب جدا انه يتأقلم مع كل البشر، يعني باختصار لو حد جالك حتكون مضطر انك تحبسه قبل ما اي مخلوق غريب يدخل البيت.
5- لازم تجيبه جرو صغير في حدود شهرين بالكتير علشان تقدر تسيطر عليه صح.
6- لا ينسجم بسهولة مع الحيوانات الأليفه.
7- كتير من الناس بتشوفه كلب ممل في البيت لأنه لما بيكون في البيت بيفضل صامت وساكت ومش بيلعب او يتنطط.

----------------------------------------------------

6-البيت بول (Pitbull):


طبعا الكلب ذو السمعة السيئه و المظلوم أبدا، كل الناس فاكره انه كلب مصايب و بس، لكن الكلب له مزايا كتير اوي وعلى عكس ما كل الناس فاكراه.

مميزاته:



1- حجمه صغير في المنزل يعني مش بياخد مساحه كبيره.
2- فروته قصيره ومش محتاج عنايه كبيره من استحمام و تنظيف زي الجولدن و الجيرمن مثلا.
3- قليل النباح جدا جدا بالكاد بيطلع له صوت ودي من اهم مميزاته.
4- هادي جدا في اليت ومش بتاع مشاكل، وطول ما صاحبه مشغول عنه بيفضل انه ينام ومش بيعمل اي قلق.
5- كلب مناسب لأي شخص رياضي لانه لازم يتدرب تدريبات عنيفه و ويوميه للمحافظة على رشاقته و لياقته.
6- أفضل حارس ممكن تجيبه سواء حراسه شخصيه او للمنزل.
7- كلب ذكي جدا جدا جدا، ودرجة استيعابه عاليه وبيتعلم الاوامر و التدريبات الجديده بسرعه فائقة.
8- حنون لأقصى درجة مع الأطفال ومع صاحبه، لكن بردو علشان بنيته القوية لا يفضل تركه مع الأطفال لوحده.
9- مخلص لأبعد الحدود لصاحبه وممكن يموت نفسه دفاعا عن صاحبه ويحميه باي شكل.



عيوبه:


1- كلب عنيد ومحتاج شخص ذو خبرة كبيره في تربية الكلاب للسيطره عليه.
2- تدريبه صعب جدا للمبتدئين ولازم تكون خبرتك كبيره في التدريب.
3- لازم تجيبه أقل من شهرين علشان تقدر تسيطر عليه و تربيه صح لان لو سنه كبير مفيش امل انك تغير طباعه.
4- شرس جدا جدا مع الغرباء ومع الحيوانات الأليفه، وعامة شراسته ممكن السيطره عليها لكن لازم من بدري جدا وبردو مش ممكن تأمن انك تسيبه مع اي غريب.
5- محتاج اهتمام ورعاية خاصه علشان التدريبات الرياضيه العنيفه اللي محتاجها يوميا، ومحتاج تفرغ للاهتمام بيه.
6- لو استخدم في الحراسه لازم الناس كلها تكون عارفه انك مربي بيت بول لان لو حد غريب دخل تأكد انه هيطلع جثه او على احسن تقدير بعاهة مستديمه ودي طبعا مشكلة كبيرة.
7- محتاج نظام غذائي دقيق و صارم للمحافظه على لياقته و صحته.
8- غير مناسب اطلاقا للبنات لصفاته الصعبه.
9- سمعته في العالم سيئه جدا وناس كتير هتخاف منه وهتخاف تدخل بيتك لو عرفت انك مربي بيت بول فيه وفي اماكن ودول كتير ممنوع دخول البيت بول فيها.
10- مكلف ماديا لانه محتاج تدريب و نظام غذائي وأدوات للتدريب، بس النقط دي طبعا مميزات لأشخاص كتير هوايتهم الرياضه و الحاجات دي، يعني الامور دي بتكون مصدر امتاع ليهم.

--------------------------------------------------
7- الجريت دان أو بالمصري الدانواه (Great Dane):



كلب كلنا عارفينه و بنحبه جدا جدا لان شخصيته لذيذه اوي

مميزاته:

1- كلب سهل في تدريبه و تربيته وتعليمه اوامر جديده
2- فروته قصيره وسهل العناية بيها.
3- نباحه قليل وغير مزعج ابدا.
4- كلب حنون و عطوف جدا جدا ومحب لصاحبه جدا وغير مؤذي بالمره و غير شرس.
5- بنيته الجسديه ضخمه وبتوحي بالهيبه والوقار ومخيف لاي حيوان غريب مع انه طيب جدا.


عيوبه:

1- غير شرس بالمره ولا يمكن الاعتماد عليه في الحراسه.
2- حجمه ضخم جدا ومن الصعب تربيته في المنزل لاحتياجه مكان كبير للمعيشه وكمان بيحتاج كميات كبيرة من الطعام.
3- ضخامته بتخليه خطر على الأطفال.
4- كلب غير محب للعب و الشقاوة اوي وده بيخليه ممل لبعض الناس وناس تانيه بتشوف دي ميزه.
5- درجة ذكائه أقل من الانواع السابقة.


$$$$$$$$$$$$$$$$$$$$


دول كانو أهم انواع ممكن تربيهم في البيت، في انواع طبعا تانيه كتير جدا، وانا استثنيت كلاب الزينه من الموضوع تماما لأنها اصلا كلاب بيت فمش هتكلم عنها، وفي انواع زي الماستيف و الدوجو ارجنتينو والكان كورسو والبولدوغ والمالينوا بيكون ليها معاملة خاصه وصعب تربيتها في المنزل من قبل اي حد، ده غير انها انواع غير شائعة، وعامة ممكن نقول ان الماستيف و الدوجو و زي البيت بول تقريبا في حاجات كتير و البولدوغ زي الرودفايلر و المالنيوا له معاملة خاصة وخطر تربيته في البيت.

و بكدة ابقى خلصت و يارب اكون افدتكو ... انتظرونى فى الموضوع اللى جاى مع اماكن بيع الكلاب و اسعارها و المزارع بتاعتها


عدل سابقا من قبل Admin في الأربعاء 26 أكتوبر 2016, 11:58 am عدل 1 مرات
medo atia
فتوك جديد
فتوك جديد
العمر : 24
عدد المساهمات : 5
التقييم : 0
تاريخ التسجيل : 20/12/2011
تاريخ الميلاد : 01/02/1993

رد: افضل انواع الكلاب ممكن تربيتها فى البيت

في الخميس 22 ديسمبر 2011, 8:18 pm
بكرهها كلها
انا اساسا عنندى فوبيا و مش ناقص
avatar
هارى بوتر
عضو مطرود
عضو مطرود
عدد المساهمات : 161
التقييم : -1
تاريخ التسجيل : 27/12/2011

رد: افضل انواع الكلاب ممكن تربيتها فى البيت

في الأربعاء 28 ديسمبر 2011, 6:22 pm
سلام حير من القلب طاير ليك انا بحييك وبهنيك وبقولك الموضوع جميل بارك الله فيك


avatar
الرومانسى
فتوك ذهبى
فتوك ذهبى
عدد المساهمات : 407
التقييم : 8
تاريخ التسجيل : 01/02/2012

رد: افضل انواع الكلاب ممكن تربيتها فى البيت

في الجمعة 03 فبراير 2012, 2:38 pm
شكرا ليك يا باشا على الموضوع الرائع


avatar
Mohamed Khaled
فتوك جديد
فتوك جديد
البلد : cairo. egypt
عدد المساهمات : 6
التقييم : 0
تاريخ التسجيل : 07/03/2012

رد: افضل انواع الكلاب ممكن تربيتها فى البيت

في الأربعاء 07 مارس 2012, 5:36 am
موضوع رائع وانت فعلا جايب اهم التفاصيل
avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1009
التقييم : 21
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

رد: افضل انواع الكلاب ممكن تربيتها فى البيت

في الأربعاء 07 مارس 2012, 10:19 pm
الله يخليك تسلملى


7amuoda
فتوك جديد
فتوك جديد
البلد : القاهرة
العمر : 27
عدد المساهمات : 14
التقييم : 0
تاريخ التسجيل : 18/04/2012
تاريخ الميلاد : 27/05/1990

رد: افضل انواع الكلاب ممكن تربيتها فى البيت

في الأربعاء 18 أبريل 2012, 4:22 pm
على فكرة أنت نسيت كلب مهم جدا فى التربية المنزلية ( اللولو )

كلب صغير و شكلة جميل للولاد و البنات.
avatar
WA7ED
فتوك متميز
فتوك متميز
عدد المساهمات : 69
التقييم : 0
تاريخ التسجيل : 01/05/2012

رد: افضل انواع الكلاب ممكن تربيتها فى البيت

في الجمعة 04 مايو 2012, 4:45 pm
تسلم يا معلم على الموضوع الرائع بس انا كنت عايز عارف ايه الفرق بين الجيرمان و الوولف و البلاك جاك ؟


لا اله الا الله ******* محمد رسول الله

avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1009
التقييم : 21
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

رد: افضل انواع الكلاب ممكن تربيتها فى البيت

في الجمعة 04 مايو 2012, 5:04 pm
zsu-23-4 shilka كتب:تسلم يا معلم على الموضوع الرائع بس انا كنت عايز عارف ايه الفرق بين الجيرمان و الوولف و البلاك جاك ؟

هما كلهم وولف بس اللى يفرق ما بين الجيرمان و البلاك جاك ان الجيرمن شعرته قصيرة و البلاك جاك شعرته طويله
بس مش اكتر و اى خدمة انا معاك


avatar
WA7ED
فتوك متميز
فتوك متميز
عدد المساهمات : 69
التقييم : 0
تاريخ التسجيل : 01/05/2012

رد: افضل انواع الكلاب ممكن تربيتها فى البيت

في السبت 05 مايو 2012, 2:05 am
Admin كتب:
zsu-23-4 shilka كتب:تسلم يا معلم على الموضوع الرائع بس انا كنت عايز عارف ايه الفرق بين الجيرمان و الوولف و البلاك جاك ؟

هما كلهم وولف بس اللى يفرق ما بين الجيرمان و البلاك جاك ان الجيرمن شعرته قصيرة و البلاك جاك شعرته طويله

بس مش اكتر و اى خدمة انا معاك
شكرا على المعلومات يا كبير . و انى فيهم الافضل ؟


لا اله الا الله ******* محمد رسول الله

avatar
جووون سينا
فتوك متميز
فتوك متميز
العمر : 23
عدد المساهمات : 98
التقييم : 1
تاريخ التسجيل : 22/05/2012
تاريخ الميلاد : 03/08/1994

رد: افضل انواع الكلاب ممكن تربيتها فى البيت

في السبت 26 مايو 2012, 10:30 pm
حلو اووووووووى
avatar
على عليوة
مشرف قسم الترحيب و الاجتماعيات
البلد : السويس
العمر : 26
عدد المساهمات : 877
التقييم : 8
تاريخ التسجيل : 21/04/2013
تاريخ الميلاد : 06/09/1991

رد: افضل انواع الكلاب ممكن تربيتها فى البيت

في الأحد 30 يونيو 2013, 4:40 am
موضوع مميز ومهم جداوهيفيدناس كتيرزى مااتعودنامنك كل جديدومفيد بارك الله فيك


avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1009
التقييم : 21
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

رد: افضل انواع الكلاب ممكن تربيتها فى البيت

في الأربعاء 26 أكتوبر 2016, 12:04 pm
UP


استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى