منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionاحلى هدية تجيبها لخطيبتك او مراتك ...

more_horiz
هاى يا جماعة ازيكم..ده الموضوع اللى وعدتكم بيه وحاطط لكم فيه افكار لهدايا وكمان خروجات واماكن تحفة ويارب يكون الموضوع مفيد خصوصا للمرتبطين..

اولا الهدايا:

فى البداية احب اقول ان كل مناسبة لازم تختار الهدية المناسبة ليها..بمعنى ان هدايا العيد ميلاد تختلف كتير عن هدايا الفلانتين مثلا والنجاح وكده.وبتختلف حسب هو بنت ولا ولد..ولذلك انا حقسم الهدايا حسب المناسبة وحسب هى لبنت ولا لولد.

اولا هدايا اعياد الميلاد:
اهتم باللى هى بتهتم بيه واعرف هى محتاجة ايه وانتى كذلك..

الهدايا الحريمى اللى ممكن تشد حبيبتك ليك :

1-الذهب (سلسلة؛خاتم؛انسيال؛.....) واحسن مكان تجيب منه طبعا هو ميدان الجامع وخصوصا المحلات اللى على صف (جاد) هناك..ولف كتير عشان تعرف الاسعار والحاجات الحديثة والموضة..وحاول لو جبت سلسلة انك تعمل الدلاية فيها حاجة خاصة بيكم زى حرف من اسمك واسمها او صورة,بس اهم حاجة تعرف هى بتحب الذهب الابيض ولا الاصفر,,لو مش عارف هات مخلط

2-برفان..بس انصحك تجيب حاجة حديثة ومن الحاجات اللى ليها اعلانات مشهورة واحسن مكان تجيب منه هو palais des parfums وهو زى mazaya بالضبط بس بيبقى فيه عادة sale وموجود فى city stars
3-شنطة make up او shower gell & perfume برده من نفس المكان بتاع البرفان
4-طقم شيك شنطة وجزمة وحزام ويفضل يكونوا سواريه
5-موبايل حديث جديد
6-Labtop
7-فستان سواريه
8-هات box كبير قبل عيد ميلادها بسنة كاملة يعنى من اخر عيد ميلاد ليها وطول السنة هات حاجات وحطها فى البوكس ده اى حاجة زى شوكولاته مثلا,دبدوب,ماديليه,كارت شحن,بارفان,حزام,شمع,dvd فيلم رومانسى.شريط كاسيت,اكسسوارات حريمى,وهكذا....الفكرة ان كل ما تيجى على بالك حاجة عايز تجيبها هاتها وحطها فى البوكس طول السنة..على عيد ميلادها تخيل حيبقى مليان قد ليه وحتفرح قد ايه..بس طبعا املاه بكل حاجة ممكن تيجى على بالك.
9-ipod 30 gega
10-ساعة
11-قطة شيرازى بيضاء مون فيس او هيمالايا ذكر عنيه زرقاء فى سن 50 يوم ومتنساش تكشف عليه وانصحك متشتريهوش من اى محل عادى ودور فى اعلانات الوسيط
12-نظارة شمس اصلية

ودى حاجات تعملها مع الهدية:
1-لازم تبقى اول واحد تقول لها كل سنة وهى طيبة
2-التورتة اهم من بوكيه الورد..ولو جبت الاتنين يبقى كويس,وانصحك لو حتشترى تورتة اشتريها من ساليه سوكريه عشان ملوش حل
3-حاول تعمل الحاجات الغير متوقعة
4-املأ العربية بالونات وخد قلم فلومستر معاك واكتب انت وهى على البالونات كلمة زى بحبك,عقبال 100 سنة وارموهم فى الشارع والعربية ماشية
5- اعمل اهداء على قناة او الراديو
6-كارت فيه كلمات موجزة ورقيقة

descriptionرد: احلى هدية تجيبها لخطيبتك او مراتك ...

more_horiz
شكرا والله كلها افكار حلوه وممكن تنقى الى يعجبك منها ...................................شكرااا :lol!:


descriptionرد: احلى هدية تجيبها لخطيبتك او مراتك ...

more_horiz
اى خدمة .... و لو عندك افكار تانية غير اللى موجودة دى شاركنا بيها


:هابى: :هابى: :هابى:


descriptionرد: احلى هدية تجيبها لخطيبتك او مراتك ...

more_horiz
الصراحه افكار ملهاش حل وبذات الى داخل مزاجى فكرة البوكس الى يتجمع فيه كل حاجه البنات هبله وهتفرح بيه اوى وتحس انه بيفكر فيها على طول --

descriptionرد: احلى هدية تجيبها لخطيبتك او مراتك ...

more_horiz
ايه الحركات الجامدة دي
بجد واوووووووووووووووووو

قيد التنفيد يا معلم :D
صلاحيات هذا المنتدى:
لاتستطيع الرد على المواضيع في هذا المنتدى