منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

عرفنا بنفسك

شاطر

descriptionعرفنا بنفسك

more_horiz
تذكير بمساهمة فاتح الموضوع :

ازيكو يا شباب

عاوزين نعمل تعارف ما بينا عشان نبقى عارفين احنا بنكلم مين و نساعد بعض
فى كل حاجة و نتبادل الخبرات ... مثلا انت متميز فى مجالك و واحد متميز فى مجالو
نساعد بعض .... من الاخر ربط علاقات و نعرف برضو اخوانا اللى فى البلاد العربية مين
و كام واحد فى المنتدى و طبعا يشرفنا ان يكون معانا و نوسع دائرة معارفنا اكبر و اكتر


انا هبدأ بنفسى

انا اسمى رياض سنى 20 سنة
طالب ب 4 صناعى المانى اليكتريك باور
موهوب فى الرسم و بشتغل فى الديزاين " دعاية و اعلان "
من القاهرة
مؤسس منتدى فتوك ....... يارب يبقى منتدى ليه صدى صوت عند الكل

_____________________________________
و انت مين ؟؟؟؟؟؟


descriptionرد: عرفنا بنفسك

more_horiz
هتخش على ..... زرتر " بروفايلك " من الازرار اللى فوق
هتلاقى بروفايلك و صورتك على الشمال ..انزل تحت هتلاقى بيناتك الشخضية
انزل شوية هتلاقى التوقيع .. اكتب فيه اللى انت عاوزو
بعد كدة دوس سجل

descriptionرد: عرفنا بنفسك

more_horiz
اهلا بكل اهل اسكندرية اللى منورين المنتدى

descriptionرد: عرفنا بنفسك

more_horiz
يا جماعة فين باقي أعضاء المنتدى ؟؟؟؟؟؟؟

descriptionرد: عرفنا بنفسك

more_horiz
انا محمد من القاهرة
21 سنة طالب جامعى هندسة مدنية

عدل سابقا من قبل WA7ED في الأربعاء 02 يناير 2013, 2:12 am عدل 1 مرات

descriptionرد: عرفنا بنفسك

more_horiz
اهلا بيك يا محمد نورت المنتدى انت و كل الاعضاء اللى شاركونا


descriptionرد: عرفنا بنفسك

more_horiz
هو انا اصغر واحد


descriptionرد: عرفنا بنفسك

more_horiz
أنا أخوكم في الله محمد ( أبوطلحة ) وأبلغ من العمر 36 عاما وحاصل على معهد سياحة وفنادق قسم إرشاد سياحي ولكن بحمد الله لم أعمل في مجال تخرجي ولكني إتجهت حيث تخرجت إلى مجال المبيعات والتسويق في مجالات عدة وأعمل منذ ثمانية سنوات بالمملكة العربية السعودية في المنطقة الشرقية ( الدمام ) وأعشق القراءة في كتاب الله وأسأل الله أن يمن علي وعليكم بالصحة والعافية وأن يبارك في هذا المنتدى ويجعله منتدى نافعا غير ضار لجميع المشتركين ورفع الله قدركم جميعا

descriptionرد: عرفنا بنفسك

more_horiz
منور يا ابو طلحه


descriptionرد: عرفنا بنفسك

more_horiz
اهلا بيك يا استاذ محمد ... اتنمنى ان المنتدى يعجب حضرتك و باقى المشتركين
و اسأل الله ان يجمعنا على خير ان شاء الله


descriptionرد: عرفنا بنفسك

more_horiz
امين


descriptionرد: عرفنا بنفسك

more_horiz
انا رجب والشهرة رجب ابو خالد سعيد بكونى فى منتدى يتراسة ادمن اتمنى انى اكون صاحب الراجل مهى صحبة الرجالة المحترمين كنوز 3 نظم بتهيالى انت عارف سنة واتخرج
بص انا اولا عايز اختبرك فى البيلياردو
ثانيا فى مشكلة مصتعصية مشكلة حب وانا حسب اللى المواضيع اللى فى المنتدى بتاعك بخصوص الحب شكلك يا رياض دنجوان قديم بس افضل الفيس اسهل عشان ماليش فى المنتدى اول منتدى اشترك فية يكون منتدى بتاعك متنساش تسمع ال اغنية اللى قولتلك عليها بتدارى محمد حماقى وشكرا على حسن الضيافة :w:

descriptionرد: عرفنا بنفسك

more_horiz
منور يا رجب


descriptionرد: عرفنا بنفسك

more_horiz
ازيكم عاملين ايه ... معلش انتو مستغربين انى فى وسطيكم و متحذفتش زى باقى العضوات هههه
بس انا و الله واخدة اذن من أ. رياض مدير المنتدى عشان ابقى معاكم
اعرفكم بنفسى ... معلش واخدة على الرغى الستاتى

انا مدام / امل ... لا داعى للسن ... انا بسم الله ما شاء الله نفسى حلو اوى فى المطبخ و طباخة بريمو
انا بعمل اكل بيتى و عزومات كبيرة و بودى لبوفيهات افراح و كل المناسبات و على استعداد تام لتوصيل الطلبات
للمنازل " انا متفقة مع سواق تاكسى لتوصيل الطلبات " لللى ساكنين فى مصر الجديدة و م نصر

و هعمل اعلان بأكلاتى فى قسم الاعلانات عنكم و ادعولى بقى ... و اتمنى اكون عند حسم ظنكم

:#: مدام امولة :#:



مــع امــولــة .... عــزومــتــك مــعــمــواــة

descriptionرد: عرفنا بنفسك

more_horiz
محمد المليجى . 21 سنة كلية هندسـة ( معمارى ) مبرمج برامج و أنظمة ويندوز


<br>

descriptionرد: عرفنا بنفسك

more_horiz
اهلا و سهلا بيك يا محمد و يارب يوفقك يارب .... هنحتاجبك كتير

----------------------------------------

نورتى يا مدام امل ... اكلك بجد مشكلة ... انا بس اتحايلت على الاتنين اللى معايا فى الادارة عشان يوافقو
انهم يقبلو عضوة فى المنتدى بس بجد و الله لان اكلك حلو اوى ..
بس خفى الاسعار علينا دحنا غلابة


descriptionرد: عرفنا بنفسك

more_horiz
[quote="Admin"][b]اهلا و سهلا بيك يا محمد و يارب يوفقك يارب .... هنحتاجبك كتير


[/[/quote

انا تحت إمرك و انا ف الشغل ده :34:

و لكن هتحتاجونى بخبراتى و لكن هتاخدونى مسئول معاكم و لو هتخدوا خبراتى بس تبقى حركة --

و ساعتها هشرب سجاير و اموت :sM:

descriptionرد: عرفنا بنفسك

more_horiz
السلام عليكم
أنا أحمد من القاهرة حاليا شغال مهندس كهرباء في السعودية
زي أي شاب في سني متربي على رويات مصرية للجيب وأدهم صيري وملف المستقبل وما وراء الطبيعة

بحب برضه روايات الأدب العالمي للناشئين
بحب أعمل تجارب كتييير خاصة في المطبخ
وأحلى واحد يعمل إفتكاسات جديدة في الطبخ( للعزوبية أحكام)
أتمنى أكون عضو فعال وبيكون في صدى أكبر للمنتدي
على فكرة أنا لقيتة بالصدفة البح
ته
على النت

descriptionرد: عرفنا بنفسك

more_horiz
يا اهلا بيك معانا ياكبير و يا رب يكون للمنتدى صدى بيك و بمواضيعك ... و معانا فى المنتدى هنا
شلة حلوة اوى كبير وصعير كله مع بعضه و ان شاء الله تلاقى حاجة كويسة عندنا


descriptionرد: عرفنا بنفسك

more_horiz
بجد اتشرفت بيكم كلكم ... أخوكم سليمان 37 سنة نائب مدير الحسابات في شركة ضمن مجموعة بن لادن السعودية
متزوج عندي محمود وشهد وأتمنى اني أفيدكم وأستفيد منكم ويوفقكم ربنا في حياتكم ويحقق أحلامكم

تقبلو مروري

descriptionرد: عرفنا بنفسك

more_horiz
السلام عليكم,,,,,إتشرفت بيكم
معرفش لحد دلوقتي إنتوا هتقبلوني ولا لأ بس لحين مايصدر قرار بحذف عضويتي هعرفكم بنفسي
طبعآ أكيد في تساؤلات أنا ليه هنا؟! ماأنا عندي منتدي فتكات!!!
طبعآ أنا في البدايه أعرفكم إني بالفعل عضوه في فتكات وأشارك بموضوعاتي,,,لكن فتكات طرف واحد,,,,إحنا بنقول وبنستشير بعض لكن نعتبر طرف واحد لأن الرجل لم يعلق علي مانطرحه أو نناقشه,,,,لذلك فأنا سجلت عضويتي هنا عشان أتعلم
إيه إللي بيضايقكوا مننا وإيه بتتمنوه في زوجاتكم عشان نطور من نفسنا
كل ده عشان نصونكم ونعفكم عن الحرام
,,,,,,فأعرفكم بنفسي
أنا مدام ملك 20سنه من القاهره وبدرس في كليه أداب قسم علم نفس,,بفضل الله أقدر أفيدكوا في حل الخلافات الزوجيه من المشكلات والروتين لخلافه وفي تربيه الأبناء جدآ فهذا مجالي وبحبه جدآ
,,,,,فالمرأه بحر يجب أن تتهيأ لكي تقترب منه فإن خفت ستعيش وحيدآ وإن تعاملت بشجاعه وحب فإنك ستمتزج بها
,,,,أنا بحب المطبخ جدآ ومستعديه أنزلكو أفكار لحاجات سهله وسريعه وبيتي ومضمونه ما هو للعزوبيه أحكام هههههه,,,بس لما يأذن لي الآدمن بالمشاركه الأول,,,,,,,,,,, ربنا يرزقكم الخير حيثما كان,,,,,,أتمني لكم التوفيق


descriptionرد: عرفنا بنفسك

more_horiz
اهلا بيكى يا مدام ملك ... بجد صعب علينا اننا نمنع الخير على بعض ... احنا فى الاول و الاخر مش متنازلين عن مبدأ المنتدى فى انه رجالى بس و مبيقبلش اى عضوية نسائية بس دا فى حالة خفة الدم اللى بنشوفها فى فتكات على مواضيع المنتدى بتاعنا ... احنا عاوزين منتدانا باذن الله يبقى منتدى له مكانه وسط المنتديات الراقية و بيقدم حاجة لها قيمة
مش عاملينه تسلية و لا تريقة على منتداكم او شئ من هذا القبيل ... و طبعا بنرحب بيكى جدا لان واضح انك ليكى هدف
فى دخول منتدانا ...... بس عجبتنى اوى كلمة " لما يأذن ليا الادمن بالمشاركة " دى المشاركة رقم 9 يا مدام ملك
ههههههههههههه ..... اهلا بكى مرة تانية و اهلا بمشاركاتك و خبرتك ..


descriptionرد: عرفنا بنفسك

more_horiz
أيوا صح مشاركه رقم 9 ودلوأتي بقت ال10,,,,,بس دي ردود علي موضوعات أنا أقصد أني أعمل موضوعات مش مجرد مشاركات,,,,بس من الواضح إن ده نوع من التريقه وأنا ماأستحقهاش لأني كنت داخله أستفاد وماغلطش ولا عملت زي مابتشوفو من ناس داخلين يترقو,,,والله العظيم أخلاقي مش كده,,,,,,,,شكرآ لإستضافتكم ليا وبإذن الله مش هدخل تاني,,,,


descriptionرد: عرفنا بنفسك

more_horiz
انا مقصدتش اتريق و الله ... دا مداعبة و الله ... عموما احنا محتاجين خبرات كويسة فى كل المجالات و صعب اننا نضيع فرصة زي اللى جتلنا .. و ارجو انك متزعليش منى .. لان انا برضو اخلاقى متسمحش انى اتريق على حد .
و اهلا بيكى مرة تانية و عبال المشاركة المليون


descriptionرد: عرفنا بنفسك

more_horiz
Admin كتب:
انا مقصدتش اتريق و الله ... دا مداعبة و الله ... عموما احنا محتاجين خبرات كويسة فى كل المجالات و صعب اننا نضيع فرصة زي اللى جتلنا .. و ارجو انك متزعليش منى .. لان انا برضو اخلاقى متسمحش انى اتريق على حد .
و اهلا بيكى مرة تانية و عبال المشاركة المليون

جزاك الله خيرآ ربنا يباركلك ويجعله في ميزان حسناتك,,,,


descriptionرد: عرفنا بنفسك

more_horiz
[center][السلام عليكم ورحمة الله وبركاته
االحقيقه مش عارفه هتقبلوا كلامى او لا بس اللى شجعنى انى لما شوفت المنتدى فى جوجل ودهلته كحب استطلاع مش اكتر لقيت انكوا عملتوا اقتراح فى انشاء قسمين للنساء وتسمحوا فيه بالمشاركه فيهم
ودا كان نفسى من زمان فيه او بمعنى اوضح وادق كان نفسى يكون فيه منتدى مشترك علشان نتبادل فيه الخبرات ووجهة النظر بكل احترام لان دا بيخلينا نقف على ارض الواقع لان مهم جدا جدا ان كل واحد فيهم رأى الطرف الاخر ايه ودى فكرتى لما جيت ادخل المنتدى كان عندى حب استطلاع ان اقرأ واشوف رايكوا فينا ايه كستات وبنات ووجهة نظركوا فى ايه الحاجه الكويسه والوحشه اللى فينا واعتقد الفكره دى وضحتها اختى فى الله اللى سبقتنى واللى احترمت عقليتها وافكارها جدا جدا وهى العضوه (منتقبه سلفيه وافتخر) وانا مش هقدر اقول اكتر من اللى قالته فى فكرتها وكلامها اللى شجعنى انى اسجل معاكوا خصوصا لما لقيت ان حضراتكوا مرحبين الفكره ودا تحضر كبير واضح فيكوا وفى عقليتكوا اللى تجبرنا نحترمها اوووووووووووى
جزاكم الله كل الخير وانا مش هطول اكتر من كده وفى المشاركه الجايه هعرفكوا بنفسى اكتر ومش هكتب اى رد تانى حتى يسمح لى الادمن بالمشاركه معاكوا فى المنتدى وياريت القسمين اللى مسموحلنا فيهم بالمشاركه ينشأؤا بسرعه علشان نقدر نتكلم ونتابدل الاراء
واشكركم مره تانيه لمنتداكوا الهادف دا وبالتوفيييييييييييق اكتر واكتر/center]

descriptionرد: عرفنا بنفسك

more_horiz
[center][اسمى ساجده عندى 26 سنه وفى شهر 9 الجاى هكمل ال27 سنه ان شاء الله لو عشت يعنى
انسه
خريجة كلية الحقوق لكن لا اعمل ودا علشان مش بفضل المهنه دى للمرأه
هتقولولى امال دخلتى الكليه دى ليه طالما مش عايزه تشتغلى بيها
هقولكوا علشان الله يسامحه مكتب التنسيق اختارلى كده هههههههه
وكمان والدى مكنشى عايز اى كلية خارج نطاق المحافظه اللى انا فيها علشان السفر وكده
والحمد لله على كل حال انا بحب القرأه جدا واحب اقرأ فى مجالات كتير مش فى مجال واحد بس واحب اطور من نفسى
وكمان بعرف اطبخ هههههه الحمد لله بعد تجارب مريره وعجيبه بقيت اخترع كمان اكلات والحمد لله
اممممممممم مش عارفه فاضل تفاصيل تانيه اقولها او لاء بس اى سؤال انا تحت امركوا
بس بعد ازن الادمن طبعا
استودكم الله/center]

descriptionرد: عرفنا بنفسك

more_horiz
اهلا وسهلا ساجده نورتي المنتدى بين اخواتك

أن شاء الله نستفيد ونفيدك في الآراء والمناقشات بما يفيد جميع الاعضاء

descriptionرد: عرفنا بنفسك

more_horiz
@Red Scorpion كتب:
اهلا وسهلا ساجده نورتي المنتدى بين اخواتك

أن شاء الله نستفيد ونفيدك في الآراء والمناقشات بما يفيد جميع الاعضاء




[color=red][/color
]شكرا اخى Red Scorpion لترحيبك ويارب كلنا نفيد ونستفيد
جزاك الله خيرا

descriptionرد: عرفنا بنفسك

more_horiz
القسمين تحت الانشاء و ان شاء الله يكون فى توسع اكبر للمنتدى
بس ياريت اى اقتراحات للمنتدى او شكاوى تكون فى القسم الخاص بيها لسهولة التتبع ... و شكرا

--------------------------------
تنويه للسادة الاعضاء

الادارة ان شاء الله هتابع المنتدى كل يوم لان حاليا احنا مشغولين جدا فى مشروع و يارب يوفقنا فيه
بالكتير اوى اسبوع و نكوزن معاكم ساعة بساعة .. و ياريت تعذرزنا لو مقصرين و مفيش ترحيب بالاعضاء الجدد


صلاحيات هذا المنتدى:
لاتستطيع الرد على المواضيع في هذا المنتدى