منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionدراسة جدوى | فتح مصنع ملابس صغير

more_horiz


فكرة مشروع تصنيع ملابس



لما عملنا دراسة جدوى حسبنا تكلفة التيشرت الشبابي سواء ( ليكرا او بولو ) لقينا ان 5000 جنيه كافية انها تعملي تقريبا 150 تيشيرت ليكرا مقاسين ولون واحد 





توب القماش الى بتشوفوه على هيئة رول كبير دا بيعمل من 2800 لـ 3100 جنيه تقريبا
وتصنيع التوب ده هيكلف تقريبا فى حدود ال 2000 جنيه يعني القصة كلها في الغالب  5000 جنيه
ويكون معاك 150 تيشيرت مابين كم كامل ونص كم وكت  .. لون واحد يعني التيشرت الواحد وقف عليك بمبلغ موصلش ل 35 جنيه !!!

وانت عارف ان اقل تيشرت من الخامة دي بيعدي ال 65 جنيه و انت طالع
ده بالنبسة للتيشرت الليكرا




نيجي بقي للتيشيرتات البولو


كل الى فى السوق بيقلد الماركة وكل الاكسسوارات متاحة ومحدش بيقول لحد انت بتعمل ايه و لا حد بيحاسبه
الفيصل الوحيد فى الموضوع بالنسبة للسعر هو الجودة
توب البولو يعمل تقريبا 2200 جنيه وده بيكون توب مربع مش رول خلى بالك ,, التصنيع للتوب هيكون تقريبا نفس سعر التوب
يعني بنتكلم فى حوالي 4500 جنيه ( شراء التوب و التفصيل )  يعملو حوالي 115 تيشيرت

يعني التيشرت الواحد واقف بـ 40 جنيه تقريبا
تيشير بولو سادة واقف عليك بـ 40 جنيه وانت اساسا بتشتريه من 100 لـ فوق يعنى مكسب مضاعف

 | نصيحة مننا |

كل الى فات ده مش هينفع تستغله فى تسويق موديل واحد لان الموديل الواحد بيحتاج يكون ليه اكتر من مقاس واكتر من لون وطبعا السوق عايز التنوع عشان تقدر تكفى طلبت الزباين

فالحل الوحيد هو التبادل التجاري بمعني
بمعنى انت تشتري توب لون احمر , و غيرك هيشتري الاصفر , وغيركم هيتشرتي الابيض وهكذا

انت هتعمل مقاس XL/M غيرك هيعمل XXL/L
هيحصل التبادل ان كل واحد فيكم هيكون معاه اكتر من لون واكتر من مقاس تمام

ساعتها تقدر تنزل تسوق الموديل الى معاك بنظام جملة او قطعة سواء على الفيس بوك باعلان مدفوع سواء على الفيسبوك
او اولكيس الخ الخ من انواع التسويق الالكتروني و هتسوق لنشاطك و منتجاتك فى المنطقة اللى عاوزها بفاعلية جامدة جدا

طبعا الاكسسوري والتكت والتغليف الى بتلاقيهم جوه الملابس بتكون متوفرة فى السوق
وكمان تقدر تعمل اسم ولوجو خاص بيك انت

وفى الحالة دي بتروح لمكتب تصميم هتلاقي اقل كمية تقدر تعملها مكلفة 5000 جنيه ع الاقل غير ال 5000 جنيه بتوع الاتواب

بس خلي بالك "الـ 5000 جنيه اكسسوري دول ممكن يتقسمو على 10 افراد تقريبا لانها الحاجات دي بتكون كميات كبيرة "
تكفي ل 5000 تيشرت وطالع

طب هتبدأ ازاي ومنين ؟؟
- اول مرحلة شراء توب القماش .. ودي هننزل نشوف الالوان وانت الى تشتري وتورد القماش لغاية المصنع
واسواق القماش منتشرة سواء فى القاهرة اوالمحافظات

- تاني مرحلة شراء الاكسسوري الجاهز او الاكسسوري الى عليه اسم انت عايزه يكون لمنتجك لمنتجك
- تالت حاجة مرحلة التفصيل ودي ممكن تدفع فيها نص التكلفة والباقي وقت ما هتستلم

وقبل كل دهـ لازم تنزل تشتري كيلو قماش كعينة شغل والكيلو ده ممكن يعمل 4 تيشيرت والقصة دي ممكن تكلفك 200 جنيه وساعتها هتكون قدرت تعمل دراسة جدوي فعلية

وتقدر تنزل تجيب عينة قماش لاي موديل انت شايف انك تقدر تسوقه وبعد ما تعمل العينة تعمل دراسة الجدوي
وتشوف انت كده مطلوب منك راس مال كام
تمام كدة ....

هل مطلوب منك ان بعد كل ده تسيب شغلك ؟!
طبعا لا .. استغل ده انه يكون دخل جانبي شهر - شهرين او حتى 6 شهور
وبعد كده وقت اما تلاقى ان المكسب تجاوز ال 100% وخبرتك زادت واصبح ليك راس مال محترم وليكن 50 الف جنيه
ساعتها تقدر انت والى معاك تعملو مصنع وتجيبو صنيعية ومندوبين وتقولو بسم الله

دى البداية اللى ممكن تبدأ من عندها
تابعونا فى الجزء التانى قريب
" دراسة جدوى فتح مصنع صغير لتصنيع الملابس و المكن اللازم "


descriptionرد: دراسة جدوى | فتح مصنع ملابس صغير

more_horiz
الجزء الثانى من دراسة الجدوى لعمل مصنع ملابس صغير مع بيان اسعار الماكينات





تنبيه : الارقام اللى هنكتبها ارقام تقريبية للسوق بحيث من الممكن الزيادة فى اى وقت



الاصول الثابتة .. و دى طبعا اللى بتشتريها مرة واحدة و بتعمر معاك لمدة كبيرة


4 ماكينات خياطة " جوكى " حمام زيت  9000 جنيه
2 ماكينة اوفر لوك 5 فتلة   10000 جنيه
1 مقص دار 10 بوصة   4500 جنيه
1 جهاز بخار ايطالى    6500 جنيه
ادوات اخرى مساعدة  2000 جنيه

اجمالى الاصول الثابتة
32000 جنيه
-------------------------------------


راس مال عامل ( دورة التشغيل لمدة شهر واحد )



قماش متنوع     7320 جنيه
خيوط و اكسسوارات     864 جنيه
اجرة عمال     2300 جنيه   
مصروفات اخرى    500 جنيه
اجمالى راس مال العامل     11000  جنيه


اجمالى التكاليف الاستثمارية
43000 جنيه


fff


صلاحيات هذا المنتدى:
تستطيع الرد على المواضيع في هذا المنتدى
reply