منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

description10 شغلانات على النت بتجيب فلوس فى مصر

more_horiz



10 شغلانات على النت بتجيب فلوس فى مصر
لو انت فاضى فقط 3 ساعات فى اليوم + جهاز كمبيوتر / لابتوب و سرعة نت معقولة .. ممكن تدخل ربح لنفسك بحوالى 500 دولار شهريا و انت و شطارتك بقى :D
- دى اكتر الافكار مربحة لو استخدمت واحدة منهم هتجبلك عائد محترم جدا

1- ebay lister
و دى بتدخل تعمل اكونت على ebay و تشوف الشركات اللى عندها منتجات عاوزة تبيعها فبتديك صور المنتجات و انت تدخل على النت و تكتب مواصفاتها و تحط صورها بشكل كويس و فى الاخر بتعرضله ليستة (list) بالمنتج و مواصفاته و قابل للنشر على ebay و بتاخد مبلغ كويس

2- وسيط / بائع
دى شغلانة لو معاك مبلغ كويس ممكن تشوف ايه اللى عليه الطلب من المنتجات و تشوف حد بيبيعه بسعر رخيص .. و تشتريه و تعيد بيعه تانى بعد اضافة ربحك بشرط الحالة الكويسة ... زى اللى بيتاجر فى عربيات
بيجيب عربيات لقطة و يبيعها تانى باضاة كام الف جنيه و يكسب

3 - مصمم فوتوشوب graphic designer
اتعلم الفوتوشوب كويس و ياريت لو كان عندك شغف او موهبة .. هتقدر تعملك مثلا فى الشهر حوالى 4 لوجوهات او بوسترات او دعايا سوشيال ميديا .. و دى فعلا اكتر شغلانة بتجيب فلوس من غير مجهود بدنى .. فقط هوايا و دراسة و يدخلك فى التصميم الواحد من 150ج - لحد 500+ جنيه

4- المنتجة video editor
ممكن تتفق مع اى يوتيوبر جديد انك ممكن تعدل الفيديو بتاعه و تظبطه من حيث فواصل الفيديو و اضافة لوجو القناه على الفيديو و تحريره فى مقابل مادى مش كبير ... و كل ما شغلك كان احسن كل ما فيديوهاته اتنشرت كل ما جاله اعلانات على قناته كل ما مقابل شغلك هيزيد تدريجيا و كلها مسألأة خبرة

5- المبرمجين .. programming
و دول بقى لازم نحسدهم من هنا لبكرة :D مخهم ما شاء الله الماظات ( بصوت حزلقوم ) ???? و اكتر ناس عليهم الطلب دلوقتى .. اى شركة لسة ناشئة بتكون عاوزة تعمل ويب سايت كويس فبتستعين باحد المبرمجين و بيكون رواتبهم فى حدود 5000 او يزيد طبعا
كورس بحوالى 3000 فى مكان معتمد .. هيرجعلك اللى دفعته اضعاف بس عاوزة تكون متعلم جيد و عندك حس ابتكار

6- تعمل اغانى
ايوة .. تعمل اغانى .. مش اغانى هابطة و شغل " نزلت مع تمساح لقيت نفسى مرتاح " و الهبل اللى منتشر على الفيس اليومين دول .لألأ
اصدى انك بتشوف البرامج اللى بتعمل بيتس و تركب مقاطع على بعض و تعمل بيتس كويس وممكن تبيعه لاى يوتيوبر عاوز يحط خلفية موسيقية مخصوصة لفيديوهاته

7- خدمة العملاء ( يفضل لغة )
دى بقى اى حد خريج جديد لازم يشتغلها فى البداية ... و الموقف دا اتعرضتله لما قدمت فى وظيفة " خدمة عملاء " و كانو طالبينهم لخدمة عملاء uk
هنا اى حد بيتكلم انجليزى كويس جدااااا مش بياخد اقل من 4000 جنيه ولو المانى او تركى او حتى اوردو بياخد 11000 جنيه غير الكوميشن لو مبيعات
اه و الله ..لو مش مصدق اسأل و هتعرف

8 - website & social media ADMIN
دى انك بتمسك مسؤول صفحات او مواقع و انت اللى بترد على الكومنتات و بتضيف الصور و البوستات للصفحة على حسب المتفق عليه و بيكون شغلها 9 ساعات تقريبا على حسب المجال و المقابل فى حدود 1200 ل 1500 جنيه تقريبا
ملحوظة : بعض الشركات بتعين indoor يعنى جوة الشركة عن تجربة


9- مسوق اليكترونى E - marketer
اتعلم ادارة الصفاحات او خد كورس كويس فى فن التسويق على النت و اعرف استراتيجيات و طرق البيع و كتابة المحتوى و امسك حملات دعايا و تسويق لصفحات الشركات و بيجيلك فلوس كويسة منها مبدأيا 1000 و انت طالع على حسب المكان و الخبرة بتاعتك

10 - فيديوهات الانيميشن و الجرافيك
دى برضو سعرها كبير جدا .. انك تعمل فيديو اعلانى مدته تقريبا 30 ثانية لدقيقتين و كدة كتير اوووووى .. تحرك شخصيات و تحط موسيقى و منتجة و كدة .. دا تقريبا مش اقل من 5000 جنيه فى العمل الواحد
بس طبعا عاوزله جهد تعلم و تجارب و شغلهم بيبقى على برامج زى photoshop + after effect و كورساتهم تقريبا ب 1500 او اكتر حسب المركز اللى هيدربك

دى اكتر افكار متداولة فى وسط الاونلاين .. و بتجيبلك مكسب كويس جدا

و نصيحتنا ليك | اتعلم - اتعلم - اتعلم | لانك هواياة بدون تعلم = 0



و ربنا يوفقك و لو عندك اى حاجة تانية ياريت تشاركنا بيها او تصحح معلوماتنا لو كنا غلطانين فى مجالك :


descriptionرد: 10 شغلانات على النت بتجيب فلوس فى مصر

more_horiz


صلاحيات هذا المنتدى:
تستطيع الرد على المواضيع في هذا المنتدى
reply