لما تروح تفتح حساب فى البنك بيبقى فيه اكتر من نوع بطاقه ممكن تطلعها .. دا غير البطاقه الاساسيه اللى هيا بطاقه الخصم المباشر اللى بيكون فيها رصيد حسابك فى البنك وبتسحب بيها من اى ماكينه ايه تى ام .. وأغلب البنوك بيكون فيها انواع بطاقات تانيه ممكن تقدم عليها وتفتحها .. واشهر بطاقتين هما بطاقه الديبيت كارد وبطاقه كريديت كارد .. تعالو أعرفكم عليها ..


بطاقه الديبت كارد
بيتقال عليها برده بطاقه الدفع المسبق , وهيا عباره عن كارت وبتشحنه مبلغ معين وبتقدر تستخدمها فى كل مشترياتك من اى ماركت او بتقدر تشترى بيها اى حاجه من على النت زى مواقع جوميا وسوق دوت كوم مثلا , وبتقدر تسحب منها بس الرصيد اللى فيها


واكتر ميزه فيها .. انك بتتحكم فى كل مصاريفك لان مش بتسحب غير اللى موجود فيها .. يعنى مثلا بدايه الشهر تحط فيها رصيد 2000 جنيه وتبدأ تصرف منهم لغايه لما يخلصوا


اكبرعيب .. لو فى وقت زنقه ومحتاج فلوس مش هتقدر تعتمد عليها بعكس الكريديت كارد


بطاقه الكريديت كارد
الكارت دا بقه خطير جدا .. ليه ؟ لانها تعتبر زى القرض الصغير كدا بس بشرط انك تروح تسدده خلال 50 يوم تقريبا , بيكون الحد لالائتمانى بتاعها فى حدود 5 أضعاف مرتبك


مميزاته
يقدر يفيدك وقت الازمات .. ولو معكش فلوس تسحب منه
تقدر تقسط بيه .. اغلب البنوك بيسمحوا للعملاء انها تشترى من اماكن معينه ويدفعوا بالكارت ويقسطوا من 6-12 شهر .. زى بنك مصر والبنك الاهلى والبنك القطرى الوطنى

عيوبه
رسومه ومصاريفه كتير وبالاخص لو سحبت من ال ايه تى ام هتدفع رسوم بشكل يومى لغايه ماتسدد اللى انت سحبته
بتدخل فى دوامه ديون .. لما الواحد بيكون قدامه كارت زى دا هتلاقى اسلوب استهلاكه بيزيد وبالتالى ديونك هاتزيد شهر عن التانى وهتدخل فى مرحله مش هتقدر تسدد ديونك .. عشان كدا الكارت دا خطير ولازم تكون فاهم مدى خطورته ومتستخدمهوش غير فى الضروره او الحاجات الاساسيه