مش لازم الخروجة  تكون فى حتة من الحتت الغالية أوى المقفولة ، أو اللى مش عارف يسافر فى مكان ما أو اللى بيستصعب خروجة السينما فى المناسبات من الزحمة ، فيه جناين وحدايق عامة فى منتهى الجمال واسعارها مش غالية ومكان حلو جداً للتجمع واللعب مع اصحابك :

1- حديقة الحيوان في الجيزة
موجودة في شارع مراد، قرب ميدان الجيزة. مساحتها 80 فدان. وتعتبر أكبر حديقة حيوان في مصر والشرق الأوسط. فيها طبعًا أنواع مختلفة من الحيوانات. وكمان فيها ألعاب كتيرة للأطفال.


2- حديقة الأزهر
موجودة في الدراسة، قرب مشيخة الأزهر. مساحتها 71 فدان. بتتميز بالنافورات المائية والأعمدة الرخامية. وفيها منطقة الحطابة اللي فيها مباني قديمة وجميلة.


3- حديقة الأسماك
مكانها في الزمالك في شارع الجبلاية. مساحتها حوالي 9.5 فدان. من أشهر الحدايق في الزمالك وتعتبر متحف للأسماك. فيها 33 نوع من الأسماك النيلية.


4- الحديقة اليابانية
موجودة في حلوان على مساحة 10 فدان. بتحس جواها إنك في حتة من اليابان. وتقدر تاخد صور حلوة كتيرة مع التماثيل الموجودة، زي تمثال المعلم شيبة وتلاميذه الـ 48.

5- الحديقة الدولية
في شارع عباس العقاد مدينة نصر. فيها أجنحة شبه الميادين، وكل جناح مخصص لدولة. وأكتر حاجة بتميزها إن أغلب الدول عربية. ومساحتها 55 فدان.