مطلوب مدونين و ناشرين للمنتدى باجر رمزى - للتواصل املئ است ارة اتصل بنا

شاطر|

اقوى 8 موبايلات من حيث البطارية و الاول مفاجأة !!

avatar
Admin
فتوك باشاAdmin
البلد : القاهرة حدائق القبة
العمر : 26
عدد المساهمات : 1155
التقييم : 27
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net
مُساهمةموضوع: اقوى 8 موبايلات من حيث البطارية و الاول مفاجأة !!  الثلاثاء 09 أكتوبر 2018, 8:52 pm



يمكن عشان احنا بنرغى كتير واحنا بنتكلم فى الموبايل او يمكن احنا خلاص دلوقتى بقت حياتنا كلها مقفولة وطول النهار ماسكين الموبايل فديما بندور واحنا بنشترى موبايل جديد على اهم حاجه بالنسبالنا احنا كمصريين وهى البطارية ..

محدش فى الوقت الحالى مش بيعانى مع موبايله بموضوع البطارية ويا أما تلاقيك شارى بطارية تانية استبن معاك يا اما تلاقيك ماشى " بباور بانكنج " وده لو بطارية موبايلك بيلت ان , ومهما تشترى موبايل جديد وتقول بس بقه دا اكيد موبايل بطاريته نار و هيقعد معاك فترة اطول وتلاقى برده

الموبايل اخره يوم كامل ومابقاش فى موبيلات بطاريتها بتقعد باليومين تلاته زى زمان .. فين ايام النوكيا 3310 كان ممكن تشحنة ويكفيك اسبوع







ومن هنا تبدأ تسأل نفسك

هوه ليه الشركات مش بتعمل بطارية زى زمان ؟؟!



طبعا الموبايل الـ سمارت دلوقتى مش زى موبايل زمان يعنى مثلا نوكيا 3310 كانت بطاريته 900 ميلى امبير بس ودلوقتى اققل موبايل بيكون بطاريته 2100 ملى امبير .. اكيد الكاميرا والشاشة الملونة واستخدام النت الثرى جى .. من اكتر الحاجات الى بتكون ليها اثر على استهلاك البطارية

فالموضوع اختلف





المهم المقال ده بقه عشان وانت رايح تشترى موبايلك الجديد تاخد بالك من موضوع البطارية وتعرف ان لو بتقارن مثلا مابين جهازين لازم تبص على قدرة البطارية "battery capacity " وبتتقاس بالملى امبير والرقم الاعلى هوه بيكون للجهاز الافضل من حيث البطارية بس طبعا لازم





نثبت عنصر حجم الشاشة اكيد يعنى ماتقارنشى موبايل شاشتة 3 بوصة بموبايل 6 بوصة لان اكيد الـ 6 بوصة عايزة بطارية اقوى


تعالى نقول اقوى 8 موبايلات فى السوق دلوقتى من حيث البطارية :





الثامن - apple iphone 7 plus


البطارية 2900 ميلى أمبير – الرام 3 جيجا – الكاميرا 12 ميجا – الشاشة 5.5 بوصة – ذاكرة داخلية 32/128/256 جيجا




السابع Lenovo  vibe p1m - 


البطارية 4000 ميلى أمبير – الرام 2 جيجا – الكاميرا 8 ميجا – الشاشة 5 بوصة – ذاكرة داخلية 16 جيجا
افضل سعر موبايل للبطارية القوية وسعره فى السوق تقريبا 1900 جنيه فهو ممتاز للى بيدور على تليفون اققل من الفين جنيه وبطاريته قوية





السادس - Huawei Mate 8



افضل فئة فى تليفونات الهاواوى هيا فئة mate من حيث البطارية

البطارية 4000 ميلى أمبير – الرام 4 جيجا – الكاميرا 16 ميجا – الشاشة 6 بوصة – ذاكرة داخلية 32 جيجا





الخامس - Lenovo p70



البطارية 4000 ميلى أمبير – الرام 2 جيجا – الكاميرا 13 ميجا – الشاشة 5 بوصة – ذاكرة داخلية 16 جيجا





الرابع - Huawei Ascend Mate7



البطارية 4100 ميلى أمبير – الرام 3 جيجا – الكاميرا 13 ميجا – الشاشة 6 بوصة – ذاكرة داخلية 16 جيجا





الثالث - Oppo r7 plus


موبايلات اوبو جديدة علينا فى السوق المصرى واثبتت جدارتها بالشكل الانيق والصناعة الكويسه مش زى اى تليفون صينى بس اغلب الى فى السوق بطاريته صغيره لا تتعدى 2500 ميلى امبير بس التليفون r7 plus قريب هيكون فى السوق وارشحهولك لو بتدور على بطارية كويسه فى موبيلات اوبو
البطارية 4100 ميلى أمبير – الرام 4 جيجا – الكاميرا 13 ميجا – الشاشة 6 بوصة – ذاكرة داخلية 32 جيجا





الثانى - Infinix note 3



موبايل جديد فى السوق ولكن منقدرش نحكم عليه بانه موبايل كويس بس بيمتاز بسعره الكويس وبطاريته القوية
البطارية 4500 ميلى أمبير – الرام 2 جيجا – الكاميرا 13 ميجا – الشاشة 6 بوصة – ذاكرة داخلية 16 جيجا

وأهم ميزه فى الموبايل خاصيه الشحن السريع تقدر تشحنه لمده 5 دقايق وتتقدر تتكلم بيهم 200 دقيقة !!



Samsung Galaxy A9- الاول -


الموبايل الوحيد فى تليفونات سامسونج اقدر اقولك اشتريه وانت مطمن .. واصداره كان فى 3/2016
البطارية 5000 ميلى أمبير – الرام 4 جيجا – الكاميرا 16 ميجا – الشاشة 6 بوصة – ذاكرة داخلية 32 جيجا


اقوى 8 موبايلات من حيث البطارية و الاول مفاجأة !!

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فتوك للرجال فقط  :: اقسام الكمبيوتر :: موبايلات-