منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionازاى اغير مهنتى فى البطاقة لمصمم جرافيك

more_horiz
ازاى اغير مهنتى فى خانة العمل فى البطاقة الشخصية
الى وظيفة " مصمم جرافيك "

descriptionرد: ازاى اغير مهنتى فى البطاقة لمصمم جرافيك

more_horiz


 هقولك ببساطة و انت مع الخطوات هتسال و تعرف اكتر ..
تروح مكتب العمل اللى تابع لمنطقة سكنك تقوله انا عايز تطلع كارنية مزاولة مهنه ..
هيعرف منك المهنة « مصمم جرافيك » و تخلص عنده اوراق و يطلب منك رقم التامين الخاص بيك «لو متامن عليك ف شركة تجيب الرقم
لو مش متأمن عليك هتروح التأمينات
اللى تابع ليها و تطلب منه رقم تأمين خاص بيك»
و بعدين هتخلص اوراق ف مكتب العمل و هيديلك ورقتين «معاد اختبار مزاولة المهنة و معاد تاني الاستلام»
هتروح معاد الاختبار بيكون اختبار فنكوش .. اعمل اي تصميم او اللى هيطلبه منك .. و هتنجح و يكتبلك ف النتيجة ماهر ان شاء الله »
المعاد التاني هتروح تستلم شهادة مزاولة المهنة و تسأل المكان اللى هتستلم منه فين النقابة اللى مهنتك تابعة ليها «التطبيقيين اظن» و تروح النقابة تسلمهم شهادة
مزاولة المهنة علشان يطلعولك كارنيه
مزاولة مهنة @مصمم جرافيك .. و تنتظرهم او تاخد معاد .. و تستلم الكارنية و يكونو سجلوك ف النقابة و بكدة تكون معاك شهادة مزاولة مهنة
و كارنية مزاولة مهنة و متسجل ف النقابة
«في رسوم ف كل حوار تروحه و بتكون بسبطة»

اخيرا هتاخد الكارنيه و الشهادة و تطلع تجدد البطاقة بتاعتك بموجب الكارنيه و الشهادة و تطلب ان المهنة تبقي مصمم جرافيك .. و بس
طبعا الشرح مبسط قدر الامكان لكن انت لما تبدأ اى خطوة بيدلوك على اللى بعدها ..
بالتوفيق للجميع


صلاحيات هذا المنتدى:
لاتستطيع الرد على المواضيع في هذا المنتدى