مطلوب مدونين و ناشرين للمنتدى باجر رمزى - للتواصل املئ است ارة اتصل بنا

شاطر|

لو انت خاطب جديد متعملش فرح

avatar
مشرف عام
ريانمشرف عام
البلد : القاهرة
عدد المساهمات : 120
التقييم : 3
تاريخ التسجيل : 22/07/2012
مُساهمةموضوع: لو انت خاطب جديد متعملش فرح  الأحد 12 أغسطس 2018, 4:56 pm

لو انت من محبى السفر وخاطب أو ناوى تتدبس و تخطب قريب يبقى الموضوع دا ليك 


بدل ما تعمل فرح فى قاعة غاليه ويكلفك اللى وراك واللى قدامك .. ممكن ب فلوس الفرح تعمل شهر العسل بره مصر (دا طبعا للناس اللى بتحب السفر بس)
بجد هتبقى ذكرى حلوه اوووى وعمركوا ما هتنسوها انتوا الاتنين


انا شخصيا عملت كتب كتابى فى مكان مفتوح بالنهار وكان مدته ساعتين من ٣ ل ٥ المغرب (اسمه حديقة الاندلس) 



واللى حضر الفرح شاف جمال المكان وكمية الخضره اللى فيه
التكلفه كانت ٦٠٠٠ ج بس ل ٢٠٠ فرد شامل العصاير والزفه والدانس فلوور لمؤاخذه ????
وممكن كمان توفر تمن البدله لانها هتتركن فى الدولاب .. إما تأجر بدله او تستعير من زمايلك "مش عيب والله" (الا لو انت بتحب تلبس البدل كتير بصفه عامه يبقى اشترى مفيش مشكله) 


ومش شرط ع فكره ان البدله تبقى سودا أو بيضه لون البدله مش قرآن يعنى .. انا لبست لون كده مش عارف ايه هو بس عجبنى وعجب الناس الحمد لله ???? 


* اهم حاجه اوعى تفكر انك توفر فى فستان العروسه او الكوافير عشان دى حاجات مقدسه بالنسبالهم ????
نيجى بقى لتكلفة السفر:
ممكن ب ٢٠ الف تعمل شهر عسل ١٠ ايام فى دوله قريبه زى تركيا او جورجيا
او ٣٠ الف لو دوله بعيده شويه زى ماليزيا، اندونيسيا أو تايلند 







الصور من الانترنت و ليست لشخصى



و دا طبعا لانك هتعمل برنامج رحلتك بنفسك بموبايلك الاندرويد وشوية ابليكشنز عليه مع بحث كتير وشوية تشغيل دماغ من سعادتك (انسى خالص شركات السياحه اللى بتضاعف التكلفه)


لو انت خاطب جديد متعملش فرح

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فتوك للرجال فقط  :: الاقسام الاسرية :: ايام الخطوبة-