مطلوب مدونين و ناشرين للمنتدى باجر رمزى - للتواصل املئ است ارة اتصل بنا

AD DESCRIPTION
AD DESCRIPTION
AD DESCRIPTION
AD DESCRIPTION





إرسال موضوع جديدإرسال مساهمة في موضوعشاطر|

نصائح للشباب | الخلطة السحرية للوظيفة المثالية

avatar
Admin
فتوك باشاAdmin
البلد : القاهرة حدائق القبة
العمر : 26
عدد المساهمات : 1134
التقييم : 27
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net
مُساهمةموضوع: نصائح للشباب | الخلطة السحرية للوظيفة المثالية  الإثنين 23 يوليو 2018, 4:29 am




كل سنه في ألوف بتتخرج من الجامعات منهم اللى بيبقى عايز يكمل دراسات عليا ..ومنهم اللى عايز يشتغل ويبدأ كاريره ..كلهم بيدوروا على شغل في مكان محترم وجامد..وكلهم بيدورا على شغل في ظروف اقتصادية سيئة
وفى وقت اللى فيه شركات بستغنى عن ناس كتير من غير سبب إلا العماله الزايده..الناس دى كمان بتدور على شغل في منها اللى بقالوا سنين بيدور وفي منهم اللى لقي في شهور


كلهم بيدوروا على شغل والمنافسة عالية جدا جدا ..الوظايف اللىفي شركات كبيرة ..وطبعا الوظايف دي مش هتروح غير للناس اللى بتفكر صح واللى عندها مهارات تكنولوجية عالية واكيد اللى بيعرفوا ازاى يوصلوا للى هما عايزينه بمجهودهم المستمر

في ناس كتير مش بتحب تدور على شغل ..بيقضوا وقتهم على مواقع الوظايف ويحطوا السي في وخلاص ويستنوا بقى لما الشركة تتصل بيهم وتديهم ميعاد انترفيو..ويستنوووووووا ..ويستنووووووا


الوظيفه اللى بتتمناها مش هتيجيلك لحد عندك..الوظيفه هتروح للي بيدور عليها ويروحلها لغاية عندها ..هتروح للى بيعرف ياخد المبادرة ..دى خطوات للى عايز يجيب الديب من ديله ويوصل لوظيفة احلامه


(اكيد واحده من طرق المبادرة انك تعمل مشروعك بنفسك..ولكن هذا مقال آخر)


سلم السي في بتاعك بنفسك
احسن طريقة تفضل عاطل هي انك تبقى زى الناس اللى حكيتلك عنهم فوق ..تبعت سيفيهات ع النت وتستني مكالمة الHR ..يا ابنى اللى متعرفوش ان قسم الموارد البشرية ده شبه مثلث برمودا ..يا علم السي في هيوصل فين ومين هيقراه..ده إذا قروه اساسًا ..وحتى لو قروه ايه اللى يميز سيفيهك عن بقية السيفيهات يعنى ..


لكن بدل من وجع القلب ده اطبع كذا نسخة من السي في والcover letter أوالapplication وروح قامل المسئول عن التوظيف شخصيًا سواء كان رئيس قسم الHR او رئيس القسم اللى عايز تشتغل فيه ..ممكن تعرف المفروض تقابل مين لو دخلت على ويب سايت الشركة او سالت في التليفون..معظم الناس الناجحه في شغلها عملت كده ..واكتشفت ان المسئول بيبقى سعيد من المبادرة دى وممكن كمان يعمل معاك انترفيو فى نفس اليوم..الطريقه دى بتنجح بنسبه كبيرة وعن تجربه


2- تابع معاهم
مش اول ما تسلم السي في اونلاين ولا شخصيًا تروح مكبر ومستني ..لا انت لسه فاضلك حاجات تعملها ..لازم تتابع معاهم ..لأن قسم الHR مش فاضي لحضرتك يا برنس لا ده وراهم بلاوى متلتلة وناس بالعشرات عايزه تشتغل زيك كده..لازم توريهم اخلاصك وتفانيك وتتابع معاهم بالإيميل او بالتليفون..لو عارف الdeadline لاستقبال الapplications تابع معاهم بعد يومين من الdeadline لو سألت قبل ما الdeadline ما يخلص هيحسسهم انك مش صبور كفايه ومستعجل..لما تيجي تتابع ممكن تقولهم مثلا " لأن موعد التقديم للوظيفه قد انتهى في يوم () اعتقدت انه قد بدأت الشركة في مراجعة طلبات التقديم ..اردت ان اعبر عن اهتمامي الشديد بهذ العمل ..مؤهلاتي التالية تجعلني من المناسبين جدا لهذه الوظيفه" لو عرفت معلومات عن ثقافة الشركة ونوع الناس اللى طالبهم بتوع الHR ركز على الحاجات دى في كلامك
لو مفيش deadline استنى لسبوع او عشر ايام بعد الانترفيو وابتدي تابع...كلم مدير الHR وعرفه بنفسك وتاريخ التقديم وقوله يا ترى الPosition ده لسه فاضي واكيد عبر عن اهتمامك بالوظيفه وليه لازم يختاروك انت
لو عملت انترفيو مع الشركة ومرجعوش كلموك في الفترة اللى قالولك هيكلموك فيها (اتأكد انك سألتهم هيكلموك امتى لو هما ما قالوش) لو الفتره عدت وما اتصلوش كلمهم بالتليفون او ابعت ايميل تأكد فيه اهتمامك بالوظيفه وانك مدرك ان عملية الاختيار بتاخد وقت طويل واطلب منهم بادب لو يقدروا يردوا عليك لما يختاروا


لو نسيت تسأل في الانترفيو امتى هيردوا عليك وهما مقالوش ابعتلهم بعد 10 ايام من الانترفيو
سواء كتبت application أو عملت انترفيو تابع على مرحلتين لو مردوش على الاولى ابعت ايميل مره تانيه بعدها بأسبوع لو مردوش ..شوف غيرهم احسن


"قدم " في الوظايف اللى مااعلنوش عنها ومش موجوده حاليا
معظم الوظايف الكويسه مش بيعلنوا عنها وبيشغلوا يا اما المعارف او ناس سمعوا عنها في شركات تانية او ناس كانوا شغالين معاهم اصلا ..فانت عمرك ما هتوصل للكنوز لما تستني اعلانهم عنها ..بدل من كده خد المبادرة
لو في مكان نفسك تشتغل فيه في position معين ابعتلهم ايميل بالسي في ..قولهم لو الوظيفه متاحه وحتاجين ناس..هيكون من الرائع انهم يفكروا فيك وفي الاسباب اللى تخليك احسن واحد للوظيفه دى


لازم تعلن عن نفسك حتى لو الوظيفه اللى نفسك فيها مش معلن عنها ..وكمان لو انت freelancer ومحتاج عملاء جدد حتى لو هما مطلبوش خدماتك ..ركز في معلومات زى انشطة الشرطة دلوقتي... هل ممكن تتوسع في المستقبل وحاول تعرف هما محتاجين ايه في الوقت الحالى كلمهم واعرض خدماتك.. واديهم فكره محدده عن اللى تقدر تساعدهم فيه..عبر عن اعجباك بنشاطهم(وياريت يكون ده حقيقي ..مش استعباط) وانك ممكن تعمل معاهم اول شغل ببلاش او بdiscount كبير ..العميل بيخاف يجرب حد جديد..فهما ممكن يتشجعوا يتعاملوا معاهم طالما انت مش هتكلفهم حاجه..ممكن يكونوا دلوقتى مش محتاجينك بس على المدي القصير او البعيد هيحتاجوا خدماتك واكيد هيفتكروا الجميله اللى عملتها فيهم




وطبق نفس الفكره مع ناس كتير ازرع كتير وانت هتحصد كتير مش لازم دلوقتى بس مع الوقت..وطبعا لازم تعمل شغل يبهر العميل في اول مره حتى لو كنت بتعمله ببلاش او بdiscount ..ابهره واكله فريسكا كتتتتتتير لدرجه انه يفكر كان بيعمل ايه من غيرك كل الوقت ده..ويبتدى بقى يديك شغل كتير ..اعمل بس شغل اول مره نص نص وانت هتطير العميل وتطير فرصتك معاه


-خد المبادرة
قولى بقي تفتكر ليه المبادرات دى غالبا ما بتنجح؟ مش عارف ..طيب هاقولك انا بص يا سيدي الشركات اصلا مش لاقيه ناس محترفه لان الناس المحترفين بيروحوا الشركات الجامده الكبيرة وبس..حط نفسك مكان اللى بيختار الموظفين..قدامهم الفات من طلبات التقديم..وطبعا بيكون صعب جدا اختيار مين اللى يستاهل يتصلوا بيه..لكن انت لما بتتصل وبتبادر وبتسال بتسهل عملهم لان بتثبتلهم انك تبت ورذل ومش هتسيبهم غير لما يعينوك وطبعا بيكون عندك فرصه اكبر تعبر عن مؤهلاتك ومميزاتك اللى تخليك انسب واحد للشغلانه..لأن الجوده بتحظى بنسبة كبيرة جدا من معايير اختيار الموظفين


حد المبادرة بس متبقاش خيالى وتفتكر انك من بكره هتشتغل ..لأ المبادرة بتضمنلك انك هتتتعين اسرع من الباقيين اسرع من الانتظار الطويل لغاية ما يجي الشغل تحت رجليك..بتمنالك كل التوفيق والحظ السعيد


fff


نصائح للشباب | الخلطة السحرية للوظيفة المثالية

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
منتدى فتوك للرجال فقط  :: فضفضة :: نصائح فتوك للشباب-
إرسال موضوع جديدإرسال مساهمة في موضوع