سحر نصر وزيرة الاستثمار والتعاون الدولي، قالت إن شركة "أوبر" هتقدم مشروع لخدمات النقل الجماعي، يعني زي ما أوبر عندهم عربيات للنقل الفردي، هياخدوا خطوة جديدة ويعملوا أتوبيسات، علشان ينقلوا عدد من الناس مرة واحدة مع بعض وتتوزع التكلفة عليهم. التجربة دي سبق لشركة أوبر إنها عملتها في مدينة سياتل الأمريكية، وكان اسم الخدمة ساعتها UberHop.

الخدمة لما كانت في امريكا كانت بتعتمد على أتوبيسات صغيرة بيركب فيها 6 أشخاص، والأتوبيس له خط سير محدد وممكن تنزل أو تركب من أي مكان بيمر بيه الأتوبيس، والأجرة موحدة. المشروع لو اتعمل هيكون بنفس تسعيرة عربيات أوبر العادية، بس لما التسعيرة تتوزع على كل الركاب هتلاقي نفسك بتدفع أقل بنسبة 70%، مع وجود نفس عوامل الأمان والجودة.


شاركنا بتعليق و قولنا ايه رأيك
smile d smile d