تسريب لفيديو لميدو و حازم امام و مجدى عبد الغنى على الهواء فى الاستديو التحليلى ..


فيه ناس مصدومة و ناس مذهولة  ان كمية الشتايم دى بتتقال ع الهوا و ان الناس دى ممكن تشتم كدة .... 
احنا كرجالة حرين اننا نتكلم فى اى حاجة و نهزر حتى بالشتايم طالما اننا فى حياتنا العادية


و المشكلة ان حصل خيانة و عدم امانة من احد المصورين و تم تصويرهم  من غير علمهم و هما ملهمش ذنب انهم يطلعو الكلام دا  ادام الملايين


ودا رد ميدو على تويتر


"‏امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة فى أسرع وقت ممكن ..
أكيد مش ذنب أى حد أنه يسمع الألفاظ دى!!.


 ‏"أما عن الشباب اللي عايشه الدور ومصدومين من الألفاظ وكده، وكانوا فاكرين ان احنا واحنا بنتكلم مع بعض بنبيع سبح وفوانيس، فبقولهم معلش
ما تتخضوش ميدو عمره ما عمل نفسه ملاك، ولا عايز الناس تفتكره ملاك!! ".



واختتم تدويناته: ‏"كلنا واحنا بيننا وبين بعض بنهزر وبنضحك، وأكيد لو أى حد سجل ليك انت وصحابك فى كلام أكتر من كده ممكن يطلع..
مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا!!".