مجـرد فكـرة ....لو في حد محتاج مشروع
كيلو البطاطس يباع جملة من ٣ الي ٤ جنية.
كيلو الفرنش فرايز نصف مقلي يباع من ١٣ الي ١٤ جنية جملة.
إذن متوسط المكسب = ١٠ جنية في الكليو
يعني لو حضرتك إشتريت خط إنتاج فرنش فرايز أوتوماتيك زي اللي في الصورة أسفله سعره معقول بطاقة إنتاجية ٣٠٠ كجم في الساعة وعلي إعتبار إنك هتشتغل وردية واحدة ٨ ساعات بس في اليوم،



إذن بحسبة بسيطة ؛


٣٠٠ كيلو في الساعة هيروح منهم ١٪؜ في التقشير والقلي، إذن الناتج ٢٩٧ كجم في الساعة إضرب في ٨ ساعات تشغيل = ٢,٣٧٦ كجم في اليوم لو ضربتهم في ١٠ جنية مكسب في الكيلو الواحد تجد إجمالي ربحك في اليوم ٢٣,٧٦٠ ألف جنية طلع منهم ٥٠٪؜ عمالة ومصاريف وخلافة (ودي نسبة كبيرة علي فكرة)، إذن ربحك اليومي الصافي ١١,٨٨٠ ألف جنية أضربهم في ٢٦ يوم تشغيل في الشهر = ٣٠٨,٨٨٠ ألف جنية ربح شهري صافي.



وعلي فكرة فيه طلب كبير علي الفرنش فرايز في السوق المصرية وخاصةً بعد نزوح السوريين الي مصر وفتح عدد كبير من المطاعم في كل مكان وإعتبار الفرنش فرايز بمثابة طبق أساسي في غالبية المطاعم مع كل وجبة ولاتوجد غير ٦ شركات فقط في مصر تعمل بكامل طاقتها ولا تستطيع تلبية الطلب المتزايد في السوق.