AD DESCRIPTION
AD DESCRIPTION
AD DESCRIPTION

AD DESCRIPTION


شاطر
استعرض الموضوع السابقاذهب الى الأسفلاستعرض الموضوع التالي
avatar
مشكلتى
دليفرى المشاكل ع السوشيال
دليفرى المشاكل ع السوشيال
البلد : القاهرة
العمر : 24
عدد المساهمات : 8
التقييم : 0
تاريخ التسجيل : 07/06/2012
تاريخ الميلاد : 17/01/1993

تحذير ... زوجتى جالها تسمم بعد الولادة

في الأربعاء 06 ديسمبر 2017, 9:13 pm


( تم تعديل الصورة من الادارة .. صورة ارشيفية )




البوست ده عشان كل واحد ياخد باله من اخته او امه او زوجته ... تحذير تحذير تحذير
انا زوجتي اسمها نانسي كمال .. اجرت ولادة قيصريه بمستشفى العذراء بالزيتون واللي عملها دكتور نادر يعقوب جرجس .واللي ليه عيادة يوم آلخميس بنفس المستشفي.
بعد القيصريه مراتي جالها تسمم فالدم وفشل كلوي وكبدي وتسمم فالغشاء البروتوني والتسمم فالدم وصل للنخاع الشوكي .زوجتي قعدت فالعنايه المركزة بمسنشفي فريد حبيب بالعبور تصارع الموت 11 يوم .. وبعدين جالها ابونا فلتاؤس وخرجها . فضلنا حوالي 10 ايام كمان فغرفه متابعه بنفس المستشفي وتكمله علاج وخيا مازالت تحت تاثير الالم حتي الان لان الجرح ملتهب وفيه التهاب فالرحم وبطانه الرحم .


#اللي فوق ملخص الحكايه ... لكن انا هاكتب الحكايه بالتفصيل#
يوم 19-10-2017 زوجتي اجرت قيصريه بمستشفى العذراء بالزيتون
يوم 23-10-2017 رجعنا المستشفي لان زوجتي كانت متالمه جدا والجرح بيجيب افرازات ومش عارفين هيا ايه .. قابلنا نائب عيادة النسا وشبه طردنا من المستشفي لان صحينا الباشا من النوم.وقالي مراتك بتدلع.


يوم 24-10-2017 قابلنا دكتور نادر وقلنا نعمل سونار وتحليل بول ... كان باين فالسونار ان فيه تجمع بالتجويف البروتوني واحتمال وجود التهاب بالغشاء البرتوني وتضخم فالطحال ورغم كده دكتور نادر مشانا من المستشفي وقالي مفيش حاجه واضحه .


يوم 25-10-2017 زوجتي اشتد عليها الالم جدا وفقدت نسبه كبيرة من الوعي . وكل ما تاكل لقمه ترجعها ... اتصلت بالدكتور قولتله انا هانزل اعلق محاليل لان المدام مكلتش من أمبارح .. قالي فكرة كويسه انزل. .. روحت قابلت نائب النسا غير السباك الاولاني علقلها اربع اكياس محاليل ومفيش فايدة .. ومفيش بول ووشها ابتدي يسفر . وبرضه قالي مفيش حاجه .. المدام معندهاش اي عزيمه لمقاومه الالم ... بقت كويسه اتفضلوا.


يوم 26-10-2017 روحنا المستشفي تاني الفجر عملنا تحليل دم طلع عندها فشل كلوي وكبدي وتسمم برتوني ... كل ده واحنا منعرفش اي حاجه . كل اللي الدكتور قالهولي .. وظائف الكلي عاليه شويه وهانعمل سونار وهانعمل أشعه.هانتفتح بطنها تاني استكشاف لاني شاكك ان فيه شريان صغير ضرب في بطنها .


كل ده واحنا مش فاهمين اي حاجه .. ومع شده الالم الواحد تفكيره مشلول . مفكرش ينقلها مستشفي تاني .


الدكتور نادر يعقوب جرجس عمل الاستكشاف هوا ودكتور علاء عيسي وخرج دكتور نادر يقولي ملقناش حاجه جوه ولازم تنقل مراتك مستشفي فريد حبيب خلال ساعتين بالكتير انا حجزتلك سرير فالعنايه المركزة هناك .طلبنا عربيه اسعاف جاتلنا بعد اربع ساعات تقريبا ووصلنا مستشفي فريد حبيب وبينها وبين الموت لحظه . غير محسوس لها نبض .. معظم اجهزه الجسم متوقفه عن العمل .
يوم الجمعة بالصدفه بوري التحاليل لدكنور صديق ... برق وقالي مراتك عندها فشل كلوي وكبدي وتسمم فالدم ... انت متاكد ان مراتك لسه عايشه .. روح المستشفي هات تقرير .


روحت اجيب تقرير لقيت كلامه صح . صدمت انا مراتي عندها كل ده ونادر مقليش ... طب ليه . فضلت اسال لغايه ماعرفت ان دي غلطه طبيه ..#لاما الدكتور نسي فوطه داخل البطن خلال القيصريه ... او ادوات الجراحه غير معقمه بالشكل المطلوب او الدكتور جرح احد أعضاء الجسم خلال العمليه # ولغايه دلوقتي للأسف فيه تعتيم من المستشفي ومش عارفين ايه اللي حصل ...


رحله العلاج مازالت مستمرة ...ومراتي مازالت تحت تأثير الالم حتي اللحظه دي .
ياريت كل واحد ياخد باله ... انا حبيت احكي اللي حصل بالتفصيل عشان كل واحد ياخد باله .
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
تستطيع الرد على المواضيع في هذا المنتدى

«الموضوع السابق|الموضوع التالي»