منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionاسوأ تجربة مع خدمة عملاء جوميا

more_horiz





دلوقتي انا اشتريت تليفون infinix note 4 pro. اللي هوه معاه قلم استلمته يوم 8 اكتوبر بعد تجربة الموبايل اكتشفت ان القلم مش شغااال فعملت طلب استرجاع طبعا
كان بتاريخ 10 اكتوبر و من المفترض حسب سياسة موقع جوميا العظيم ان بيتم استلام المنتج خلال 5 ايام ..لحد يوم 23 اكتوبر مكنش حد حه استلمه
و بعد مكالماات كتييييير بعتو شركة كده استلمته يوم 23 و دخل لجنة فحص قوم ايه يرد عليا الموقع بميل ان الجهاز شغال و مفيش مشكلة بعت و رديت عليهم ان لو مفيش مشكلة مكنتش بعتهولهوم و طلبت حد من الدعم الفني انه يتواصل لتجنب استرجاعه تاني
و يوضح ازاي الجهاز بيشتغل معاهم يمكن يكون انا مش فاهمه حاجه .. المهم جابلولي الموبايل تاني علي يوم 3 نوفمبر و كنت بعت ميلات كتير محتواها اني عايزه اعمل استرجاع نهائي للمنتج لو المشكلة فضلت موجوده و بعد ما المنتج جه لقيت نفس المشكله
كلمتهم قالولي هنضطر نعمل طلب استرجاع تااااااني و يدخل فحص تاااااني الكلام ده من اكتر من اسبوعين..
دلوقتي بقالي اسبوع ببعت ميلات و اتصل عشان المشكله محدش بيعاود الاتصال والميل بيقولو انه هيتم التواصل في خلال 24 ساعه...

fff

descriptionرد: اسوأ تجربة مع خدمة عملاء جوميا

more_horiz
موقف اخر من شخص تانى مع جوميا


من اكتر من اسبوعين تقريبا عملت اوردر من جوميا بشنطه وشاشه كان سعرهم ٥٧٩٨
الاوردر اتاخر شويه
بعدها اتصل بيا واحد وقالي ان الاوردر وصل وكان عباره عن الشنطه بس !!
رحت قلت للمندوب اللي كلمني ان الاوردر ده مش كامل ومش هستلم الاوردر الا لو كان كامل
راخ قالي تمام واتاسفلي علي اللبس اللي حصل وبعدين قالي هتصل بيك فى اقرب وقت لما الاوردر يكون جاهز
بعدها بعتولى مسج وقالولى انهم بيعتذروا عن التاخير اللي حصل وان الاوردر هيوصل فى خلال ٥ايام او اقل
بعدها انا طلبت هارد اكسترنال ٢ تيرا كان ب ١٣٣٣
وقلت تقريبا هيوصلوا مع بعض
راح محدش كلمني بعد الاوردر التاني باسبوع مثلا فبدخل ابعتلهم ميل لقيت ان اوردر الشاشه اتكنسل واوردر الشنطه جاهز
ازاى بقي وهما الاتنين نفس الاوردر الله اعلم

سكرينات بالاوردر اهو وبايميل الكنسله








صلاحيات هذا المنتدى:
تستطيع الرد على المواضيع في هذا المنتدى
reply