AD DESCRIPTION
AD DESCRIPTION
AD DESCRIPTION

AD DESCRIPTION


شاطر
استعرض الموضوع السابقاذهب الى الأسفلاستعرض الموضوع التالي
avatar
مشكلتى
دليفرى المشاكل ع السوشيال
دليفرى المشاكل ع السوشيال
البلد : القاهرة
العمر : 24
عدد المساهمات : 8
التقييم : 0
تاريخ التسجيل : 07/06/2012
تاريخ الميلاد : 17/01/1993

مشكلتى مع االمغربى للنضارات و اسوأ رد على العملاء

في الثلاثاء 28 نوفمبر 2017, 5:50 pm


النهارده اتنصب عليا من شركة مغربي للنضارات.
اشتريت شنبر نضارة نظر (شنبر فقط دون عدسات) بـ1300 جنيه، من أقل من سنة، قبل هوجة الدولار، وحطيت في بطني بطيخة صيفي لأن معاه ضمان سنة، قلت أريّح بالي، ومش كل شوية الشنبر يبوظ وأرميه وأجيب غيره، امبارح بقلع النضارة عادي جدا والله ومن غير عنف ولا نيلة، دراع الشنبر انفصلت عن جسمه، مش اتكسر ولا وقع ولا اتداس عليه، فحمدت ربنا إني لسه في الضمان، ورحت لهم النهارده عشان نشوف هنعمل إيه، وكانت المفاجأة!
البائع الشيك اللي لابس بدلة فخمة وحواليه النور في كل مكان قال لي بابتسامة ساحرة:
- ما نقدرش نعمل لحضرتك حاجة؟
قلت له: والضمان؟
قال لي: الضمان على الهيكل (اليهكل بس من غير الدراعات)، وعيوب الصناعة، يعني لو حتة اتقشرت مثلا نظبطها لك.


وسكت ثانية وبدا إنه افتكر ميزة عظيمة تانية، واضح إن شركات مغربي بس اللي بتقدمها في الكوكب، وقال لي بنفس الابتسامة الساحرة:
- وكمان لو فيه مسمار فك من الشنبر لا قدر الله بنربطهولك مجانا!


قلت له:
- أنا اللي أفهمه عن الضمان إن لما النضارة يجرى لها أي حاجة، غير كسر العدسات، تقدر تصلحها لي، حتى لو على حسابي، أمال إنت واخد الفلوس دي كلها ليه؟! إنما إنت جاي تهزر؟ الضمان يعني لو الشنبر قشّر؟! والله؟! كان لازم تفهّموني كده من الأول، عشان كنت سيبتها لكم ومشيت!


قال لي:
- يا فندم لو الموظف اللي باع لك ما قالكش كده يبقى غلطان، بس الشنبر اتكسر سوء استخدام!
قلت له: طيب هو ما قاليش فعلا، إيه العمل بقى؟ وفعلا سوء استخدام، أصلي –سامحني- كنت بلبس النضارة ساعات!


اتكلمنا كتير، وفي النهاية هو موظف ملوش ذنب في سياسة الشركة، فما وصلتش لأي حاجة، والمفروض إن الشنبر أبو 1300 جنيه يترمي في الزبالة، بعد أقل من سنة استخدام، عشان الخامات الرديئة اللي مصنوع منها وقلة ضمير اللي عاملينه وبياخدوا تمن المحلات الفخمة والإضاءة والبدل من جيوبنا!
اللطيف إني لما قلت له إني هكتب ع النت اللي حصل معايا، وصحابي هيشيروها ونفضحكم، ومش هشتري منكم حاجة تاني، وهنصح أي حد ما يتعاملش معاكم أصلا، ضحك بابتسامة صفرا، لأنه عارف إن ما حدش في البلد دي بيدفع تمن أخطاءه، وما حدش بيتحاسب على تدليسه!


يا شركة مغربي:
إنتو نصّابين، اللي أفهمه إن الضمان يبقى مكتوب فيه اللي بيغطيه واللي ما بيغطيهوش، ويبقى حقيقي، وتبقى خامة المنتج بتاعكم تستحق الفلوس الكتير اللي بتتدفع فيها، أنا عندي نضارة بـ200 جنيه بالعدسات من سوق النضارات في وسط البلد، بهبدها وأرزعها، ولسه زي ما هي من سنتين، اتقوا الله، وبدل ما تعملوا عروض كل يومين، حافظوا على عملاءكم أحسن، وبطلوا تدليس!
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
تستطيع الرد على المواضيع في هذا المنتدى

«الموضوع السابق|الموضوع التالي»