AD DESCRIPTION
AD DESCRIPTION
AD DESCRIPTION

AD DESCRIPTION


شاطر
استعرض الموضوع السابقاذهب الى الأسفلاستعرض الموضوع التالي
avatar
مسجون ترانزيت
زائر

حجز قسم قصر النيل و اكل الكباب و الكشرى

في الإثنين 20 نوفمبر 2017, 7:46 am


صباح الفل على كل اللى هيقرأ الكلمتين دول ...
كلنا بنقول الحجز ايامه سودا و المساجين بيبقو معدوم فى قلوبهم الانسانية و قاسيين
و بتوع مخدرات و مش متعلمين و .. و  ... و


تجربتى فى الحجز خليتنى اشوف دنيا عمرى ما شفتها
اول ما دخلت الحجز كنت خايف ليحصلى حاجة ...  حد يعورنى حد يشاكلنى  حد يستفزنى و اضربه
و انا عارف ان اللى موجودين بقى بلطجية و فى بقم امواس ممكن يشرحونى و انا واقف
او حد منهم يطلع شاذو يهتك عرضى و يكسر عينى ادام الكل


للاسف .. ملقتش اى حاجة من الللى كنت عارفها دى موجودة فى الحجز
انا مكنش حد من اهل بيتى يعرف انا فين لمدة 3 ايام و انا كنت محجوز لان موبايلى اتحفظو عليه


اول لقطة حصلت معايا .. واحد منهم قالى معاك تليفون .. انا قولت اشطة هيثبتونى فى بدايتها .. قولتله لا
قالى طب تكلم بيتك تطمنهم عليك ... انا مصدقتش ايه كم الاخوة دى و الجدعنة دى اللى موجودة

و تانى لقطة .. ان لقيت الناس جوة اخوات مع بعضهم .. معاملة كويسة .. حتى موضوع الزيارات و الاكل
اللى بيلاقوه ان محدش زاره النهاردة بيدوله اكل و بيقاسموه فى اللقمة .. مينفعش حد يعد مياكلش كدة
و كان فى زنزانة جمبنا اللى فيها بيبقو محجوزين على زمة قضايا مالية
اغتلاس او تهريب او رشوية او معاملات تجارية و مالية


كان واحد فيهم بيبعت يجيب بالــ 20 او 30 علبة كشرى لوكس
عشان اللى مكلش او مجالوش زيارة .. يعرف ياكل و يتعشى قبل ما ينام
و الله فيه البركة
و كان الصبح بعد ما يصحونا .. بنلاقى العيش دخل علينا تعيين
و كانو بيجيبولنا اكياس فول بالاوطة ( بالطماطم )
و جبنة و كدة عشان نفطر
بس النبطشية او العيال اللى ماسكة الحجز .. من فلوس الاتاوة
بيجبولهم عسل و قشطة و حلاوة و فطير و بتاع ... ملوك الزنزانة بقى و المتحدث الرسمى باسم المساجين ههههه




ولا السجاير .. انا مثلا مبشربش سجاير و مش معايا ... فى حاجة اسمها نبطشية الحمام
دا واحد بينضف الحمام و بياخد مقابل كدة سجاير ... فعشان الصحبة اللى اتعرفت عليها ميخلونيش انا اللى انضف
او اديلو فلوس .. فبيدولى كام سجارة من معاهم .. عشان اديها للواد النبطشى عشان محدش يعلم عليا


و جوة برضو اينعم ملقتش حد بيصلى كتير .. بس ساعة الجمعة بلاقى واحد بيأم بينا و بنصلى برضو
و فى جو نضاففة كل يوم الصبح بعد ما بنقوم ... بنشيل الدواسات و البطاطين و بنكنس كل واحد مكان المربع اللى بننام فيه
و بنرش ماية و تننشف و نفرش الدواسات و البطاطين تانى و ننام على نضافة .. و طبعا الكوتشيات و الجزم بتتقلع قبل ما حد يدخل
على الفرش ( سياسة مساجين نضاف )


غير طبعا الصحبة اللى بتتعرف عليها هناك .. اه اتصاحبت على واحد بيشرب حسيس وواحد تانى حرامى تليفونات و ناس شواذ
و ناس بتهم مختلفة .. بس اللى بيجمعنا الضحكة الحلوة و النكتة و الاخوة و الانسانيات و الفضفضة
و فعلا الناس جوة بتخليك تفرفش حتى لو انت قاتل قتيل بجد


كان معانا ناس من افريقيا حوالى 5  او 6   كدة .. كنا كل يوم بالليل نعمل فقرة استعراضية غنائية على شرفهم
غنى و ضحك و رقص و تهييس للصبح و الله بعد ال3 ايام الكئاب اللى فى الاول .. لقت ان الوضع بدأ يبقى خفيف
و الواحد بدأ ياخد ع الجو الحلو دا .. اينعم بتقطع من جوايا ان اهلى مش معايا بس اهو الواحد يفرفش و ينسى همه اللى بينفجر بسببه من اعياط
كل يوم قبل ما ينام


مش بزمتكم الحجز اختلف عن زمان
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
تستطيع الرد على المواضيع في هذا المنتدى

«الموضوع السابق|الموضوع التالي»