AD DESCRIPTION
AD DESCRIPTION
AD DESCRIPTION

AD DESCRIPTION


شاطر
استعرض الموضوع السابقاذهب الى الأسفلاستعرض الموضوع التالي
avatar
انس
زائر

تجربتى الممتعة مع te data

في الخميس 16 نوفمبر 2017, 1:40 am

تجربتي الممتعة مع TE DATA, انا مشكلتى مع الشركة دى مش زى أغلب الشكاوى هنا فى الجروب زي قطع الخدمة بالأيام و عدم قدرتهم على حل المشكلة ( مع إني طبعا أخدت الكورس ده قبل كده من فترة زي أي عميل غالي على TE DATA بس في الآخر بعد شهر المشكلة اتحلت ) 


مشكلتي الجديدة إن في مشكلة معينة بتقطع الخدمة سببها من السنترال بتخلي ال DSL واصل بس الانترنت لأ وهما بيعرفوا يحلوها ، المشكلة دي حصلت لغاية دلوقتي 3 مرات كل شهر مرة ,في معاد شبه ثابت كل شهر و في كل مرة أكلم خدمة العملاء يفضلوا يهروا في خطوات عقيمة اللي بتبدأ بياريت نقفل الراوتر و نفتحه تاني و الهبل ده مرورا بإجباري على اخذ يوم أجازة مخصوص من شغلي عشان استقبل فني الزيارة المنزلية الإجبارية عشان ييجي كل مرة يقول لي مافيش مشكلة في الإسلاك أو الخط وصولا بإجباري على عمل RECONFIGURATION
للMODEM و الموضوع ده ياخد ساعة عشان في الاخر يقولولي المشكلة مش في الmodem و هنصعد لك المشكلة للقسم الفني و بعدها بيوم يكلموني يقولولي المشكلة اتحلت و بالفعل بتكون اتحلت. و المستفز حتى إني لما أسألهم المشكلة كانت إيه عشان ابقى عارف لو حصلت بعد كده مايرضوش يقولوا ويردوا بكل سماجة " مانقدرش نقول لحضرتك و إن شاء الله ماتتكررش تاني ".


المأساة إن المشكلة حصلت النهاردة تاني ( مواعيدهم مظبوطة جدا ربنا يحفظهم) ، وكلمت خدمة العملاء كالعادة و أنا عارف الكلمتين اللي هاسمعهم و بالفعل قال نفس الكلام و عايزني أمشي في نفس الخطوات فقولت له المشكلة مش من عندي و لا من الmodem و إنها من الشركة أو السنترال و إنها لثالث مرة تتكرر و أنا حفظتها فياريت نتجاوز الخطوات دي توفيرا للوقت و المجهود كان رده " دي خطوات لازم تتبع حتى لو عارفين المشكلة عشان اقدر اصعد المشكلة للقسم الفني " . طبعا ماوصلتش معاه لحاجة و اللي هو يا أمشي على الخطوات يا إما المشكلة مش هتوصل للقسم الفني فرفضت نظرا لضيق وقتي و صبري و قفلت بدون حل للمشكلة طبعا.


السؤال هنا هي الشركة دي بتعامل العملاء بتوعها كالعبيد كده ليه، ماسكة علينا وصولات أمانة مثلا ؟ معاها سيديهات لينا زي مرتضى منصور ؟ أنا عن نفسى خلاص يأست و غالبا هالغى النت خالص لو مجاش لوحده خلال كام يوم وأريحهم عشان أنا مش شغال عند أبوهم, ولو حد عنده حل تانى يقوللى عليه بس من غير ماخد يوم اجازة و ساعتين تلاتة مكالمات و reconfiguration عشان الموضوع بقى مهين والله.
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
تستطيع الرد على المواضيع في هذا المنتدى

«الموضوع السابق|الموضوع التالي»