شاطر
استعرض الموضوع السابقاذهب الى الأسفلاستعرض الموضوع التالي
avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1009
التقييم : 21
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

" ابنك مش ملطشة " نصائح للتعامل مع ابنك فى سن الطفولة

في الإثنين 25 سبتمبر 2017, 2:08 pm

نظرأ لان فيه ستات بتابعنا ... حبين نوجهلك رسالة خاصة




طفلك مش ملطشه تحت ايدك وتحت ظروفك وعلي حسب مزاجك
دي حقيقه صادمه لو قعدنا مع نفسنا وفكرنا ايه ذنبهم انهم لسه صغيرين مثلا مش بيعرفوا يتكلموا ويدافعوا عن نفسهم
طفلك بيخزن كل شئ وبدايه من عمر 3 سنوات بيخزن الطفل مواقف ممكن تستمر معاه العمر كله في ذاكرته
ملوش دعوه بحالتك النفسيه وعلاقتك بأهلك وصحابك
ملوش دعوه بظروفك الأقتصاديه والمصاريف والفواتير



طفلك مش ملطشه لما


- لما يجي يضربك او يزقك بلاش تهينه او تضربه امسك ايده بقوه مع نظره حاده
هيتعلم ان دا تصرف غير مقبول وهيتعلم اسلوب دفاع عن النفس ويصد ضربات الغير بدل ما يقابل العنف بالعنف وهيتجنب الكثير من المشاكل في حياته في المدرسه او النادي او الشارع



- لما يجي يشرب من الكوبايه وتقع تتكسر متضربهوش هو ميعرفش انها هتتكسر ولا قاصد يرميها ممكن تكون تقيله او كبيره عليه ومش عارف يتحكم فيها
دايما خلي لطفلك أدوات خاصه بلاستيك يستخدمها بسهوله وامان



- لما يعيط ويزن متصرخيش في وشه وتقوليله كفايه بقي
انزلي لمستواه وافهميه وشوفي عايز ايه واقنعيه بسهوله ولو مقتنعش سيبيه يعيط لوحده من غير ما تزعقي وتزوديه هيسكت لوحده وان طالت المده



- لما ابنك يرسم علي الحيطه مش لازم اضربه هو ميعرفش انك هتتعبي في مسحها ولا قاصد يشوهه منظر الاوضه هو عنده موهبه وطاقه
اما اخلي دايما كراسه رسم والوان في متناول ايده او اعلق ورق كبير علي الحيطه يشخبط ويرسم ويلون واغيرها لما تخلص



- لما يكون قاعد بلاش تفتحي مواضيع ونقاشات مع زوجك عارفه ان هيكون فيها شد وجذب وهتقلب بخناق
هو ملوش ذنب في مواضيعكم ولا مجبر يسمعها هو عايز بيت هادي ام واب متفاهمين





- لما يجيلك ضيوف ويتصرف تصرف مش لذيذ متبرريش ليهم تصرفاته وتقولي هو شقي او مجنني او تذكري صفه سيئة فيه خديه في مكان بعيد واتكلمي معاه دايما خلي الاولويه لطفلك واسمعي منه
تصرفاته دي معناها ان في حاجه جواه مش عارف يعبر عنها خاصه لو سنه صغير



- لما تخرجي في اي مول او مكان عام وطفلك زن او عيط كلميه علطول وحلي المشكله مش تستني لما صوته يعلي ولو حصل متشغليش بالك بنظرات الناس ليكي اهم حاجه متتعصبيش علي طفلك وخدي الامور ببساطه وبلاش ضرب وقرص علشان يسكت دا طفل لسه


- متسمحيش لحد يهين طفلك مهما كان دايما خليه خط احمر ولما يعمل تصرفات غلط علطول خديه في مكان منفصل واتكلمي معاه متسنتيش لما الناس تعدل وتتكلم عليه


كوني لطفلك كما يريد
ليكن لكي كما تريدي



كوني له ام بمعني الكلمه طفلك لا يريد منك اكل وشرب هو يريد منك ما لايستطيع غيرك ان يقدمه له


استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى