مطلوب مدونين و ناشرين للمنتدى باجر رمزى - للتواصل املئ است ارة اتصل بنا

شاطر|

قهوة الاصطباحة

avatar
karemزائر
مُساهمةموضوع: قهوة الاصطباحة  الثلاثاء 22 نوفمبر 2016, 9:30 pm



بقاء_للقهوة:
مقارنة بسيطة بين القهوة و الكافيه؛ 
١٩ ميزة للقهوة عن الكافيه:
- اسمك فيها يا باشا او يا معلم او اسمك الحقيقي بتسمعه من القلب مش يا فندم المصطنعة اللى بتسمعها فى الكافيه.
- تسافر و تغيب و ترجع تلاقيها مستنياك.
- مفيش حد عامل reservation و لا ممنوع تقعد على ترابيزة.
- تجيب اكل من برة القهوة و تشرب و تحلى و تدخن و لا حد يكلمك بالعكس يقدم لك مياة ببلاش.
- بتغير الموود بأقل فلوس.
- تقعد فيها لوحدك او لو معاك حد من غير تناحة و بص من ال waiters.
- القهوجى بيحفظ بدل الطلب ١٠ طلبات و يبلغه عالناصبة و الطلب يوصلك زي الفل،
- القهوجى عمره ما يغلط في الحساب و لا يقولك سوري يا فندم في غلط في ال check# .
- تحتويك لو عندك هموم الدنيا .
- محدش من صحابك يعترض عليها ، لان الحب مش بالفلوس .
- تتخن و لا تخس ، تغتني او تفتقر ، هى زي ما هى ثابته و صامدة في وش التغيرات الزمنية.
- جنبها مطعم او محل تاكل منه و تتغذى .
- مبتنامش بدرى و لا فيها last_order# يا فندم الساعة ١١ و نص .
- فى ناس تطلب على النوتة و لا فيه minimum charge.
- بتاع الشيشة ابتسامته للجميع رغم انه مش عايز بقشيش مش يتنح وقت الحساب . 
- مفيهاش تفرقة عنصرية كله جنب بعضه الغنى جنب الفقير ، المحامى و الدكتور و المهندس و الباشا و الافندى.
- قاعد مش متكتف واخد راحتك و ملك زمانك ،تطلب كرسى زيادة يجيلك كرسيين من تحت الارض.
- فيها دوشة الطاولة و صوت الناس و خبط المعالق عالكوبيات بس كله في تناغم غريب مش مزعج .
- مشاكل الدنيا تتحل على القهوة و قعدات عرب و تصالح . 
القهوة هي عالم تانى خالص لا تستطيع البنات معرفته و لا يمكن شرحه لها.. 
avatar
فتوك نشيط
تامر1414فتوك نشيط
عدد المساهمات : 27
التقييم : 1
تاريخ التسجيل : 24/10/2011
مُساهمةموضوع: رد: قهوة الاصطباحة  الثلاثاء 24 يناير 2017, 11:55 pm

هو فيه زى القهوة
و صحاب القهوة .. و احترام القهوجى ليك
اللى بيحسسك انك اهم واحد موجود فى القهوة

3 حاجات متغيرهمش فى حياتك

الترزى - الحلاق - و القهوة


القهوة دى #عشق يا رجالة

قهوة الاصطباحة

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فتوك للرجال فقط  :: اقـسـام عــامة :: المنتدى العام :: قولنا رأيك فيها-