منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا


شاطر

descriptionمدارس اللغات و الفكر العقيم

more_horiz

ازيكم يا جدعان ... اخبار الحياه ايه ؟؟

 انا بجد مش متخيل مستوى التفكير بتاع مدارس اللغات دا وصل ازاى كدة ... انا هدخل فى الموضوع علطول

و ححكيلكم قصة واحد زميلى و مراته عانو من الموضوع دا اد ايه

:star: :star: :star: :star: :star: :star: :star: 



واحد صاحبى و مراته دبلومات وكان نفسهم يقدمو لبنتهم ف مدرسة لغات عادية مش حاجة انترناشيونال يعنى
وللاسف البنت اترفضت لمجرد انهم مش مؤهلات عليا مع انهم اخلاق جدا ويشرفو بنتهم وناس محترمة وميسورين الحال ودخلت مدرسة خاصة مش اد كدة

وعرفت بعد كدة ان دلوقتى فى معظم المدارس التجريبية واللغات بيشترطو ان الاب والام لازم يكونو مؤهل عالى..



طيب فى المدارس الدولى لما بيطلبو كدة اوكى دول مستوى اعلى كتير من المستوى المتوسط بتاع المواطن العادى ميسور الحال
انما المدارس الناشونال اللغات والتجريبى ليه بقو بيعملو كدة ؟؟



اعتقد طلب مالوش مبرر يعنى فرضنا ان راجل مثلا كان اهله على اد حالهم وماتعلمش بس هو نفسه ولاده يتعلمو فى مدارس كبيرة ومحترمة يتحرم من انه يفرح بتعليم ولاده لمجرد ان ظروفه ماسمحتش انه يتعلم كويس



او مثلا واحد معاه دبلوم بس وضعه المالى يسمح ان ولاده يتعلمو كويس ليه نقوله لا ؟؟
يعنى مش كفاية انه مش واخد حقه بقاله سنين فى الوظايف وغيره لمجرد انه مؤهل متوسط او اقل من متوسط لا كمان عياله يشيلو الذنب ده ..
ليه بدل ما نعمل تفريق بالعنصرية دى مانفكرش بشكل احسن



يعنى نعمل دورات صيفيه ننمى فيها قدرات اولياء الامور علشان يقدرو يساعدو ولادهم فى تعليمهم ..
او نشترط على ولى الامر انه يجتاز دورة تعليمية معينة ويمتحن فيها علشان ولاده يقبلو فى المدرسة
والله لو حصل كدة هاتلاقى الاهالى يوافقو لانهم نفسهم يشوفو ولادهم فى احسن حال


يعنى هانبقا ضربنا عصفورين بحجر
ماحرمناش طفل انه يتعلم كويس
وعوضنا شخص مااخدش فرصته فى تعليم كويس ..
احنا للدرجادى تفكيرنا بقا عقيم



ها فيه حد عندو فكرة احسن او حتى ياخد الموضوع و يشاركو مع اولى الامر او جهة مخصصة لعمل الكلام دا ؟


صلاحيات هذا المنتدى:
لاتستطيع الرد على المواضيع في هذا المنتدى