منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionعايزة رد منكم عشان افهم (موضوع خطيبى)

more_horiz
السلام عليكم ورحمة الله

ياريت المشرفين يحذفوا موضوعى الاول لان الخط طلع صغير جدا ومعرفتش اعدله

وتتواصلوا معايا فى الموضوع ده

لو سمحتو انا عايزة ردكم انتم وتحليلكم كرجال لانى مش فاهمة الوضع الى انا فيه



احنا مخطوبين من 3 سنين وشوية وهو بيطلب منى اشياء ميتنفعش فى الخطوبة



زى لمسة الايد والحجات التانية الى فى ناس بتعتبرها عادية فى فترة الخطوبة



وبيحاول يعمل كده بس انا بمنعه وبرفض  بحسه مثلا عايز ينسى همومه ومشاكله



ونفسه فى حاجة حنينة انا طبعا رافضة نهائى وكل مرة بيمشى زعلان ومنتكلمش ونتخاصم بالشهور



بسبب كده انا مش عايزة اغضب ربنا حتى لو هو شايفة شىء عادى ومفهوش حاجة



المهم الموضوع ده اتكرر كتييييير وانا زهقت وهو زهق



هو بيقولى انه غصب عنه وهو بيحبنى ويخاف عليا



واحنا فرحنا فى الصيف



وانا تعبانة نفسيا وبفكر اسيبه لان كل مرة بيبعد عنى ومش بيكلمنى بالشهور



واخر مرة كلمته عشان اطمن عليهوقولتله هكلمك تانى قال لا انا لما مش بكلمك  برتاح



ومش بفكر فى حاجة ولا بتعب نفسى لكن لما بتكلمينى بقعد افكر واتعب



انا عايزة افهم منكم هو كده يبقى بيحبنى فعلا



ولا عايز يرضى نفسه وخلاص؟  ياريت تفيدونى

descriptionرد: عايزة رد منكم عشان افهم (موضوع خطيبى)

more_horiz

اولا ... ان شاء الله يتمملك بخير



بالنسبة لموضوعك ... بصى هو الراجل عموما فى فترة الخطوبة بيحب يميل اكتر للرومانسية مع اللى هتبقى شريكة حياته

بمعنى لمسة ايد حنينة ... كلام عاطفى ... جو رومانسى كدة  Ⓜ 

بس مش معنى كدة انه يحاول يتعدى حدوده ( يعنى بالبلدى و اسف لو فى حاجة غلط .. انه يبوسك او يلمس جسم  ) طبعا دا غلط و استهبال منه

و تعرفى كدة على طول انك لو سبتيه و قولتلى  دا هيبقى جوزى ... يبقى هيسيبك فورا



مين دى اللى اامنها على بيتى فى غيابى و هى مسلمالى نفسها من غير ما ابقى محللها !!!!!!



و فى ناس لو انتى رافضتى و كدةيبقى هيتمسكو بيكى اكتر .. نجحتى فى الاختبار و ختى امتياز



اما حالة خطيبك ... فدى لازم تهاودى شوية ... مفيش مانع يمسك ايدك و انتو بتتكلمو .. دى عندنا بتطمنا شوية و بتأثر فينا

و لو كلمة حنينة او كلمة حبيبى او روحى  دى بالدنيا و ما فيها



اما لو حاسة ان مسك الايد  من باب قلة الادب و دى فى حد ذاتها عادية بدام انتو مخطوبين بتتعرفو على بعض فاسمحيلى يبقى مش هتعرفى تتجوزى



حتى لو جالك حد متدين جدا .. برضو فى مرحلة الخطوبة محلله كل شئ ما عادا ما يغضب الله او يخدش الحياء



لو انتى بتحبيه فعلا ... شوية هداوة و شوية وزن الامور و العقل .. الدنيا هتمشى



و ربنا يتتمملك بخير



و افتكرى ان فترة الخطوبة مجعولة لفهم الاخر و فهم سلوكياته و مشاعرة و هو بيحب ايه و بيكره ايه

 :LOVE:  kiss  :LOVE:  
 🅱


descriptionرد: عايزة رد منكم عشان افهم (موضوع خطيبى)

more_horiz
 . تأجير الخيام القماش المجهزة........ الخ
تم نقل الرد اللى مكانه الصحيح

برجاء الرد فى نطاق الموضوع المنشور فقط
الادارة

descriptionالإنفتاح أسباب المشاكل الحديثة

more_horiz
أعتقد بسبب الإنفتاح أصبح تخطي القليل من الحدود مباح ..

يعني الشاب بيكون خاطب بيفكر إنه كدا خطيبته بقت ملكه وفي بعض الأحيان بيبقي لسة بيحبها وغروره بيحسسه انها ملكه وحلاله ....

أنا مخطوبة زيك وحصل معايا إللي بيحصل معاكي ومشاكل وخناقات ونكد علي أتفه الأسباب لكن السبب الحقيقي الحضن والبوسة ولمسة حنان ... 

خطيبي مش بيشوفني غير اربع مرات في الشهر من بداية الخطوبة فممكن مرة من المرات أعديها وأفوتله حاجات .. وارجع تاني اشد بس مش قوي عشان مش تحسييه انه شيطان وانتي ملاك ..

يعني اقوله خايفه انزل من نظرك .. طب لو لقدر الله ما حصلش نصيب مين هينفعني لما ربنا يسألني ليه طاوعتك ..

المهم يحس إنك كويسة مش وحشة والأهم إنك تحافظي علي نفسك عشان لو ما حصلش نصيب ... يبقي حافظتي علي نفسك للي يستاهلك ...

descriptionرد: عايزة رد منكم عشان افهم (موضوع خطيبى)

more_horiz
صح ... الواحد لما بيشوف خطيبته سهلة معاه اوى كدة و سايبة نفسها لكل افكاره بتقل من نظره ساعات
و مش بيأمنلها بعد كدة و مش كل الشباب عندهم الهياج الجنسى و الغريزى اللى كل الناس معتقيدينه
لا .. فيه شباب محترمة و ذكية بتعمل اختبارات فى بعض الاحيان للبنت اللى هيخطبها ... فشدو و رخو الحبل
بس العقل


صلاحيات هذا المنتدى:
لاتستطيع الرد على المواضيع في هذا المنتدى