AD DESCRIPTION
AD DESCRIPTION
AD DESCRIPTION

AD DESCRIPTION


شاطر
استعرض الموضوع السابقاذهب الى الأسفلاستعرض الموضوع التالي
avatar
فتوك باشا
Admin
Admin
البلد : القاهرة حدائق القبة
العمر : 25
عدد المساهمات : 1028
التقييم : 26
تاريخ التسجيل : 13/06/2011
تاريخ الميلاد : 10/01/1992
http://fatok.dahek.net

ملخص فرح تقليدى مصرى

في الجمعة 06 سبتمبر 2013, 3:14 am



موضوعنا النهاردة عن ملخص فرح مصري تقليدي ...



قبل الجواز يساعات

- العريس يروح يجيب العروسة من عند الكوافير وصحاب العريس لازم يجرسوا العريس في أم الشارع اللي فيه الكوافير .
- وصحبات العروسة بيكونوا حاطين كمية مكياج لدرجة انك لو لمست وش واحدة فيهم ممكن صباعك يغرس .
-بعد كده يشدوا ع المصوراتي وبيكون في اسطول عربيات واقف قدام المصوراتي



سباق السيارات و رالى العرب و مشوار القاعة

-وطبعاً صحاب العريس لازم يعملوا شو رالي العرب وهما في طريقهم للقاعة ( كل واحد بيطلع عمرو مجايفر اللي جواه ).
-واول ما يوصلوا القاعة يلاقوا زفة بورسعيدي او مزمار صعيدي في استقبالهم ولازم يقفوا قدام باب القاعة يرقصوا شوية وصحبات العروسة لازم يمسكولها ام الفستان عشان ميتوسخش وابو العروسة يسلم ع العريس ويديلو العروسة ( تقاليد و عادات ) .



الحمدلله دخلنا القاعة ... تبدأ الكارثة !!!

-دخلنا القاعة بسم الله ما شاء الله على اسماء الله الحسنى وبعدها سامي يوسف وبعدين اغنية طلى بالابيض طلي بتاعت ماجدة الرومي .
-نخش بقا على شو الشربات اللي ملهوش اي تلاتين لازمة .. بعد الشو يوزعوا الشربات ع المعازيم .. واحنا بنشرب الشربات لازم مصور الفيديو ييجي يصورنا وإحنا عاملين زي اللي جايين عزاء المرحوم !!
-بعديها يقوم الدي جي يطلب من كل ال Couples انهم يقوموا يرقصوا على اغنية "وحشتيني ". وهنا بقا ممكن تلاقي تيتا بترقص مع عمو وماما بترقص مع اخويا الصغير !
ولازم السناجل يحقدو ع العروسة و في شوية بنات بيعيطو دول يا اما مفركشين جديد يا اما كانو راسمين ع العريس يا اما عوانس و فـ كل الحالات بيحقدو ع العروسة
-بعد كده يقوم مشغل اغنية "النهارده فرحي يا جدعان" ومن هنا تبدأ وصلة المهرجانات والاغاني الشعبي .
-وطبعأ مينفعش ننسى دور اصحاب العريس التاريخي ! ( العيال الصيع ويل ريلات )
-بعد الرقص والبهدلة ييجي دور البوفيه وهنا القاعة كلها بتتحول لطابور جمعية بتوزع فراخ ببلاش .
-بعد الاكل بنكون ريحنا ع الاخر فيقوم الدي جي مسخن الجو وعامل مسابقة بين صحبات العروسة وصحاب العريس وبتكون عبارة عن طابور في اوله العروسه وصحباتها في ديلها وعمالين يجروا في القاعة زي الهبل D: ونفس الحوار مع العريس .
-نخش بقا على فقرة عرض صور الطفولة مع اغنية محمد فؤاد " ساعات بشتاق " ودي مخصصة للعريس .. واغنية يا "بنت الايه" ودي لصور العروسة !!

- في النهاية الفرح بيكون عبارة عن مكان للأكل والشرب و الرقص وتظبيط حريم !

واهل العروسة يقعدوا يتكلموا على اهل العريس والعكس.

أرجوكم اوقفوا هذه المهزلة ! D:




:FGFG:  اشوفكم فى عادات و تقاليد لازم تتفجر :FGFG: 
bye 


استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى

«الموضوع السابق|الموضوع التالي»