منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionتجربتى مع صبغة الملابس

more_horiz


 ازيكو يا جدعان ... كل سنة و انتو طيبين و رمضان كريم على الكل يا رب

المهم من فترة كدة كنت بفرز الهدوم بتاعتى عشان اشوف اللى هلبسه و اللى مش عايزو
فلقيت بنطلون اسود كدة كنت ركنو من زمان اوى .... كان مجرب و شكلو مش عاطفى كدة


فقولت طب ما اجرب اصبغه .... و كنت هصبغه اسود لانه اسود و مش هيلقط معاه اى لون تانى سألت عند العطار قالى على حسب البنطلون اد ايه لو عيل صغير يبقى تاخد ب3ج كويس اوى .. انما لو بنطلون لحضرتك يبقى ب 5ج حيكفى  جبت الصبغة
<br /><br /><font color=]<br ></font><font color=[/img]  فى الاول كدة فيه خطوات لازم نتأكد منها كويس
1- مش اى قماشة تنفع معاها الصبغه يعنى البوليستر والحراير متنفعش الصبغة معاها ... احسن  الاقمشه الجينز والحاجات الاقطان

2- الالوان مش كلها تنفع تتقلب .. يعنى مينفعش بنطلون ازرق اعمله احمر مثلا لان اللون الغامق هيغلب عليه


* الادوات و الحاجت اللى عاوزنها*


1- الصبغه و دى بتتجاب من عند العطار زى ما قولتلكم فوق .. لو حاجة صغيرة ب 3ج و لو كبيرة ب5ج او شوف يا ريس على حسب احتياجك انت لو بتعمل كمية ..

2- ادوات بسيطه زى حله او بستيله حديد قديمه مش محتاجها اوى و تخصصها لكدة و عصايه خشب عشان التقليب

3- خل -- ملح-- (جاز كميه بسيطه : دا بيدى للصبغة لمعة و ثبات و ممكن تستغنى عنه خالص .. مش هيأثر على حاجة )



* الطريقه يا معلم *

اولا- يكون البنطلون او الحاجة اللى بتعملها  نظيفه يعنى مغسوله كويس

ثانيا - نسخن شوية ميه و  تكون كفاية عشان تنقع فيها البنطلون ودى طبعا حسب الحاجة اللى حتعملها كبيره ولا صغيره يعنى ملهاش مقادير

ثالثا- لما تغلى الميه حنضيف الصبغه (وهى بتبقى بودره على فكره) وحوالى ربع كوباية صغيرة (بتاع شاى يعنى ) جاز
ونقلب كويس وبعدين نحط البنطلون ونغطسها فى الماية ونسبها تغلى بسيط يدوب غلوتين ونطفى النار ونزل الحله

رابعا- تسيبها تبرد  لتانى يوم من غير منعمل لها اى حاجه مفهوم (يعنى نسيب الحاجة جوه الميه تبرد )

خامسا- ننشلها من الميه ونعلقها على شماعه بدون ما نعصرها ابداااااااااا ونعلق الشماعه الى عليها الهدوم المصبوغه وطبعا نعلقها فى مسمار او مكان قريب من بلاعه لانها هتخر ميه ملونه ونسيبها لحد ما تنشف تماما

سادسا
- نشطفها بعد ما تنشف فى ماية كثيرة فيها نص كوباية خل وملح حوالى معلقه كبيره بدون عصر اطلاقا ودى لتثبيت الصبغه
حنعيد و نزيد فى عملية الشطف دى  حوالى 3 او 4 مرات وكل مره نضيف الخل و الملح ما عدا اخر مره تكون ميه بس ولما تتصفى ننشرها
ونتعامل معها عادى ومبروك اللون الجديد


** خد بالك من الحاجت دى **
اولا *حذر فى استخدام الصبغه يعنى متدهولش الارض والفرش" نيجى نصلح حاجه نبوظ الباقى "
ثانيا *اوعى تنشر الهدوم المصبوغه اثناء الشطف فى البلكونه ويكون حد ناشر تحتك يدعى عليك ههه
ثالثا *تتعامل مع الهدوم المصبوغه بحرص يعنى دايما تتغسل لوحدها لانها بتفضل تنزل صبغه مده طويله يعنى لو اتغسلت مع حاجه فاتحه ممكن تبوظها


يا رب الموضوع و تجربتى مع الصبغة تكون مفيدة لحد ....... مستنى ردودكم و تجاربكم
و افتكر انى قولتلك لو قلبك خفيف او الحاجة غالية .... روح عند الدراى كلين و هيصبغهالك ب 15ج


]" />" />


descriptionرد: تجربتى مع صبغة الملابس

more_horiz
جزاك الله خيرامعلومة جديدة ومفيدة فعلا


صلاحيات هذا المنتدى:
لاتستطيع الرد على المواضيع في هذا المنتدى