منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا

معلومات للرجال
 مشاريع مربحة
وظاف خالية
خدمات الاعضاء

شاطر

descriptionعشان تبقى مقابلة الانترفيو ناجحة .. تعالى اقولك تعمل ايه

more_horiz


طبيعى جدا انك تحس بالتوتر و القلق وانت رايح تعمل انترفيو مع حد .. فلو عملت استعداداتك ممكن دا يحفذك انك تاخد الوئيقة بأذن الله .. و عشان تعرف ايه هى استعداداتك تعالى اعرف تعمل ايه كويس :

ضرورى جدا انك توصل فى المعاد المحدد ليك مظبوط .. يعنى لا تيجى بدرى اوى .. ولا تيجى متأخر عن معادك , بس ذوقيا تيجى بدرى بحوالى 10 دقايق

ما تتكلمش
وحش عن مديرك السابق ولا اى شخص فى الشغل القديم ، أو تقول قصيدة عن اسباب تركك لوظيفتك القديمة ، ولا تستعرض اى مهارات مش بتعرف تعملها ولا اى معلومة او اشخاص انت متعرفهاش

اختار اللبس اللى هتقابل بيه المدير او الشخص اللى هيقابلك فى الانترفيو .. يعنى تكون بسيطة و انيقة .. و يستحسن بدلة اذا امكن

متنساش اسم اللى انت بتعمل معاه الانترفيو .. و حاول تناديه بأسمه .. يعنى يا استاذ كذا ... سيبك خالص من ( باشا - يا باشمهندس ) اوعى!!

اول ما تدخل المكتب اقلع النضارة الشمسية لو كنت لابسها و ظبط موبايلك على وضع ( صامت ) .. و لو جتلك مسج انساها دلوقتى و اقراها بعدين

و يا سلام لو عملت سيرش عن الشركة اللى رايحها .. اهو تشوف طبيعة عملها ايه و اخبارها و بالمرة تعرف عيوبها و نصبة ولا لا ..( خلى بالك دايما )

حاول تحسس اللى ادماك انك مهتم و متحمس للشغل .. بس متزودش اوى عشان ميحسوش انك بتمثل

متحاولش تسأل عن المرتب و مميزات الوظيفة فى الاول او بشكل مباشر .. يعنى جبها بالتدريج .. و الاحسن انك تسيبه هو اللى يقولك من نفسه

من المهم انك تبين للى ادامك مهاراتك و اختلافك و انك مناسب انك تاخد الوظيفة دى .. يعنى حسسهم انك الراجل المناسب فى المكان المناسب

جهز اوراقك معاك .. يعنى السيرة الذاتية تجيبها معاك و قدمها ساعة الطلب .. و اكتبها بطريقة مناسبة " يعنى احدث شهادة معاك الاول و بعد كدة الاقدم "
و ياريت المعلومات تبقى صح لان فى كتير بيملوها بحاجات غلط و ساعة الاسئلة ميعرفوش يجاوبو او ينسو كتبو ايه و شيل يا معلم

حضر كدة اسألتك قبل المقابلة اللى هتسألها و تكون مرتبه منمقة يعنى متجيبش كلمة من الشرق و كلمة من الغرب .. و كمان اعمل حسابك فى الاسئلة
اللى من الوارد يسألهالك و اتدرب على اجابتك عشان متخودش وقت اكتر من اللازم .. ( خير الكلام ما قل و دل )

انتبه و ركز فى الكلام اللى بيقوله ( اللى عاملك الانترفيو ) حسسه انك مستمع جيد .. و متقاطعش كلامه لما يتكلم

اوعى تظهر عليك علامات الملل يعنى ( تتاوب - تحط ايدك على خدك او ذقنك - و تعد مربع ايدك ) .. ممكن يحس انك مش فارق معاك الوظيفة و زهقت منه

متجيبش صاحبك او اخوك او حد من معارفك معاك فى المقابلة .. دا هيحسسه انك لسة مكبرتش و مش عارف تشيل مسؤولية ( كدة مش مطلوب )

حافظ على اعصابك و سورى فى الكلمة ( خليك بارد ) لو قالك حاجة تستفذك و متحاولش تعلى صوتك .. دا ممكن يكون اختبار يشوف رد فعلك تحت الضغط

اول ما تدخل المكتب متروحش تعد على الكرسى الاول .. ذوقيا خليه هو الاول يعد و بعد كدة انت تعد او لما يقولك يعنى

متبصش فى الساعة كتير او الموبايل .. عشان ميفهمكش انك متوتر او قلقان او مش مهتم

حاول تبص فى عينه و هو بيكلمك .. يعنى تحسسه انك مركز معاه و انك فاهم كلامه .. بس مترحش فيه و تبصله بصات غريبة

في النهاية، حاول أنك تحافظ على طبيعتك قدر الإمكان، و ماتنساش انك تشكره على الوقت اللى قابلك فيه ، مع التمنى انكم فى يوم تبقو زمايل فى نفس الشركة

و يارب اكون قدرت اوصل ملاحظاتى فى تانى مقابلة شغل ليا و بعض الملاحظات من خبرات اكبر منى


descriptionرد: عشان تبقى مقابلة الانترفيو ناجحة .. تعالى اقولك تعمل ايه

more_horiz
شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أخى ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى

descriptionرد: عشان تبقى مقابلة الانترفيو ناجحة .. تعالى اقولك تعمل ايه

more_horiz
[بارك الله فيك وفتح امامك وامام كل الشباب ابواب العمل والرزق والقبول]


صلاحيات هذا المنتدى:
لاتستطيع الرد على المواضيع في هذا المنتدى