منتدى فتوك للرجال فقط دخول

منتدى متخصص فى كل ما يخص الرجال فى مصر .. لايف ستايل - رياضة - مشاريع و دراسة جدوى .. اشترك معانا


شاطر

descriptionحبيبي عاوز يرجعلي بعد 10 سنين فراق

more_horiz

بسم الله الرحمن الرحيم
ارجوكو يابنات متملوش من كلامي لاني بجد محتاجه رايكم لاني تعبانه اوي وربنا العالم بيا
هدخل في الموضوع علي طول

اول حب في حياتي كان عندي 16 سنه وهو كان عنده 19 سنه
كنا في فتره مراهقه ولكن كنا بنحب بعض حب بجنون وانا بعترف انه كان بيحبني اكتر ما انا بحبه هو من مدينه تانيه
كان بيجي يقف تحت الشباك علشان بس نشوف بعض من علي بعيد
كبرنا مع بعض والحمد لله حبنا كان بريء اوي وعمر ما عملنا حاجه غلط لحد ما جه الوقت والسن المناسب الي
يتقدملي فيه وكان اسعد اسعد يوم في حياتنا اخيرا هيجي اليوم الي حبنا يبان للنور كانت كل امانينا في الحياه نكون مع بعض ونبني حياتنا
مع بعض ونكون لبعض لكن للاسف صدمتنا الدنيا صدمه بشعه ورفضوة اهلي بكل السبل لمجرد انهم عرفو اننا بنحب بعض من قبل كده
وكمان اهله لما عرفو ان اهلي رفضو ابنهم بقي عداء اهالي والموضوع خرج من ادينا ومات معاه حلمنا
اياميها حصلتله صدمه عصبيه وانهيار واتحجز في المستشفي مده وانا فضلت اخد علاج نفسي
وعدت الايام والسنين وانا اتجوزت جواز صالونات عادي جدا
وهو عرفت ان مامته حلفت عليه ان لو ما تزوج هتتبرأ منه ليوم الدين
وفعلا تزوج وبقي معاه اولاد وانا معايا بنتي ومشيت الحياه لكن قسما بالله ما نسينا بعض
وبعد فترة لقيته بيكلمني علي الميل مع اني كنت مسحته مصدقتش نفسي بعد 5 سنين
رجعت ليا كل الذكريات القديمه مش هكذب عليكم ضعفت واكلمنا في التليفون يوميها
او يعتبر مكلمناش عيطنا في التليفون يمكن اكتر من ساعه بكاء مني ومنه متواصل بدون كلام
لكن في النهايه قولتله احنا دلوقتي متزوجين ومينفعش نخون ناس في حياتنا ملهمش ذنب ولازم نرضي بقضاء الله
انت تريد وانا اريد والله يفعل ما يريد
واحنا مش لبعض ولو سمحت يا فلان متتصلش بيا ولا تكلمني علي المسنجر تاني
واتقطعت العلاقه كمان سنين وايام واستمريت في حياتي
وعشت لبنتي وبقت هي كل تفكيري
وبقيت بحاول انسي لكن قسما بالله ما نسيت وغصب غصب عني والله مقدرتش انساه
وبعد فتره يمكن كمان 5 سنين زيهم انفصلت عن زوجي
وبعد الانفصال بمده قصيره
لقيت حد بيكلمني علي الفيس وبيقولي انا فلان
اتصدمت لتاني مرة يااااااااااااااااااه بعد 10 سنين من عمرنا لسه فاكرني
قالي كده بالنص والله العظيم (انا عمري مانسيتك ولا في حاجه تقدر تخليني انساكي الا موتي انا من ساعه ما كلمتك اخر مرة وانا متابع اخبارك من علي الفيس لكن من بعيد لان احترمت حياتك واحترمت اسرتك لكن دلوقتي بعد ما انفصلتي
مش هسيبك تضيعي مني تاني تجوزيني يا ...........)
انا اتصدمت اوي ودماغي بقت عامله زي المشلوله
عاوزة اقوله بحبك اوي يافلان بحبك وعمري ما نسيتك قسما بالله نفسي اقولك موافقه
بس للاسف مينفعش قررت اني لازم اكون حاده معاه اوي المرة دي علشان مبقاش سبب في خراب بيته
رديت وانا دموعي بتنزل دم
قولتله لا مش موافقه قولتلك قبل كده اننا مش لبعض وانت راجل مجوز وعندك اولاد
قالي لولا العشرة الي بيني وبين مراتي قسما بالله كنت طلقتها علشان خاطرك ولو ده هيريحك فربنا بيقول (فسرحوهن سراحا جميلا )
قولتله مستحيل انت اجننت ايه الي انت بتقولو ده انا عمري ما اكون سبب في خراب بيت واحده تانيه
قالي عارف
قولتله خلاص يبقي كل واحد يروح لحاله ومتكلمنيش تاني
طبعا كل ده من ورا قلبي وقلبي بتقطع قسما بالله
قالي انتي كده بتتخلي عني وانا قسما بالله ممكن يجرالي حاجه انا بحبك وعمري ما حبيت ولا هحب حد غيرك
قولتله مينفعش خلاص يا .............
وخلص الحوار علي كده زمردش عليا
تاني يوم عرفت انه في المستشفي عنده من اثر صدمه نفسيه عملت له ارتفاع في ضغط الدم
وغيبوبات متقطعه وحاجات كده

دلوقتي انا مش عارفه الي انا عملته ده صح ولا غلط انا بجد لسه بحبه اوي اوي اوي اوي وقسما بالله مانسيته ولا لحظه في عمري

ومتاكده مليون في الميه من حبه ليا
بس خايفه ااثر علي حياته واني اخربها عليه
وفي نفس الوقت بقول ربنا حلله التعدد بس بصراحه مش عارفه
وخايفه عليه اوي
ودماغي وقفت مش عارفه تروح لايمين ولا شمال بجد انا تعبانه ونفسيتي مدمرة مش عارفه اعمل ايه
ارجوكو محدش يهاجمني والي تنصحني بالحسني علشان انا مش مستحمله قسما بالله
ده موضوعي عرضته في منتدي فتكات واخت راي البنات ودلوقتي عاوزة اسمع وجه نظر الطرف الاخر

descriptionرد: حبيبي عاوز يرجعلي بعد 10 سنين فراق

more_horiz
لا تعليق
سامحيني


descriptionرد: حبيبي عاوز يرجعلي بعد 10 سنين فراق

more_horiz
طيب ليه لا تعليق
بجد انا محتاجه اعرف رايككم بالله
وبذات الرجاله الي في المنتدي

descriptionرد: حبيبي عاوز يرجعلي بعد 10 سنين فراق

more_horiz
24 مرة مشاهده ومفيش غير رد واحد وكمان لا تعليق
في ايه ياجماعه

descriptionرد: حبيبي عاوز يرجعلي بعد 10 سنين فراق

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
24 مرة مشاهده ومفيش غير رد واحد وكمان لا تعليق
في ايه ياجماعه


descriptionرد: حبيبي عاوز يرجعلي بعد 10 سنين فراق

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
24 مرة مشاهده ومفيش غير رد واحد وكمان لا تعليق
في ايه ياجماعه

أنا قولت لا تعليق عشان خوفت من إندفاعي في الرد.....بس هتكلم وأرجو منك تسمعيني وتفهميني صح....
‏.
‏.
إزاي تخربي بيت واحده مالهاش ذنب
لمجرد إنك إنفصلتي!!!!!
هتقولي بنحب بعض
هقولك ده كان زمان
دلوقتي بأه قوليلي,,,ظهرتي في حياته ليه؟!!!
لو كنتي مكان زوجته أم عياله هتقبلي علي نفسك إن جوزك إللي بتحبيه وجبتي منه أجمل أطفال وعملتي معاه أجمل عيله إن واحده تشاركك فيه!!!!
ربنا ماأرادش إن يكون ليكوا نصيب زمان
بتعاندوا لييييييييه دلوقتي؟!!
لعلمك
ماتفتكريش إن الحياه هتبأه وردي
هو عايز يتجوزك عشان يرضي غروره
مش هو إللي يترفض!!!
لكن إن جيتي للحق
هو بيعشق التراب إللي بتمشي عليه مراته
لانها حلاله وصايناه وعشره عمره
ماتصدقيش الكلام الفارغ إنه مابيحبهاش
وإنه بيحبك إنت
لأ وألف لأ
الراجل مستقر في بيته
وبيحب مراته وعمره ماهيسبها
وبيحبها حب مش زي الحب اللي بينكو
لا ده حب عشره كل يوم بيكبر في قلوبه
وأقوي من الحب إللي بتقولي إنه بينكم
ولو غامر وإتجوزك
سامحيني إنتي إللي هتخسري مش هو
إفتكري كويس أوي
إن القلب قلوب يقلبه الله متي يشاء
ويثبته متي يشاء
دلوقتي الشيطان مزينك في عينيه
لكن بكره ماتعرفيش
لو فعلآ حبتيه زمان
دلوقتي سيبيه سيبيه سيبيه
سيبيه لمراته إللي بتحبه
خليه يشوف هي بتعمل إيه وإزاي آيداله صوابعها العشره شمع
أنا عارفه إن نفسك تفرحي ويكون ليكي بيت وزوج
حاسه بيكي
لكن
من ترك شيئآ لله
عوضه الله خيرآ منه
سيبيه وإستني عوضك من ربنا
تفتكري ربنا هينساكي؟!
تفتكري إختيارك إنتي أحسن من إختيار ربنا ليكي؟؟؟!!!!!!
الجواز ده رزق
لو مكتوبلك نصيب هتاخديه
لكن ماتدوريش عليه
هو هيجيلك لوحده
آسفه لو كلامي شديد
بس والله خايفه عليكي
ولو ليا أخت أكبر مني هنصحها كده برضو
بس طبعآ إنتي أختي الكبيره
ربنا يقدرلك الخير حيث كان
هسيبك في رعايه الله


descriptionرد: حبيبي عاوز يرجعلي بعد 10 سنين فراق

more_horiz
بجد كلامك وجعني اوي
بس شكرا يا حبيبتي انا فعلا محتاجه حد يفوقني

descriptionرد: حبيبي عاوز يرجعلي بعد 10 سنين فراق

more_horiz
[ندعوك للتسجيل في المنتدى أو التعريف بنفسك لمعاينة هذا الرابط] كتب:
بجد كلامك وجعني اوي
بس شكرا يا حبيبتي انا فعلا محتاجه حد يفوقني

حقك عليا ماتزعليش مني
أنا والله العظيم خايفه عليكي


صلاحيات هذا المنتدى:
لاتستطيع الرد على المواضيع في هذا المنتدى