قائمة المنشورات


 ابعت مشكلتك


 العودة إلى المنتدى

منتدى فتوك للرجال فقط    

شركة جو باص .. افشل شركة فى مصر

مشكلتى | منشور الثلاثاء 30 يناير 2018, 5:01 am

 شركه جو باص الفاشله
امبارح و مش اول مره ..نقعد 4 ساعات فى الصحراء و معانا ستات كبيره و بنات و اطفال ...
و ده طبعا بسبب ان شركه جو باص اتأكدت انها رقم واحد فى مصر و محدش هيركب الا فيها و ده لان مواعدها كويسه و كل ساعه اتوبيس انا هقولكم على كذا صدمه بس و تحمكوا انتو ..


الصدمه_الاولى
يا ريت تشوفو منظر العجله اللى ضربت فى الصوره كويس ...لو ركزت و عملت زوووم هتلاقى ان العجله ديه من قبل الرحله و هيه تقريبا لاتصلح لانك حتى تحطها استبن لمشوار 20 كيلو حتى مش 800 كيلو ..ده اول صدمه و الحمد لله انها مضربتش فى ملف والا حاجه كان زمان 48 واحد دلوقتى فى المستشفى


الصدمه_التانيه
يلا يا حاج طيب نغير العجله و هنا كانت الصدمه
"مفيش كوريك " انتو متخيلييين ؟ !
مفيش كوريك فى اتوبيس المفروض انه فى اليوم بيمشى على الاقل 1600 كيلو ???? و عدى اتوبيسين من الشركه اول واحد مفيش كوريك برضه و تانى واحد كان معاه الحمد لله...خد صدمه صغيره كده جو تانى صدمه ..." الكوريك مش مظبوط و العجله محتاجه مكنه تفك الصواميل لان الصواميل عاشق و معشوق و صعب تتفك منوال " كده عدى ساعتين و احنا فى الصحرا و يعنى بعد ساعتين اكتشفنا ان مفيش حل غير ان لازم اتوبيس تانى ييجى ياخد كل الناس ديه

الصدمه_التالته
سواق الاتوبيس اللى جاى ياخدنا قال ان قدامه ساعه و يبقى عندنا مع الاعتبار ان احنا كنا عدينا شرم الشيخ بساعتين مثلا معرفش هييجى ازاى فى ساعه بس قولنا ماشى ...و كل طبعا نص ساعه نتصل بيه يقول جاى بعد عشر دقايق و الخرافات ديه و نتصل بقسم الشكاوى بكل استفزاز يقولك ده ظرف طارق يا فندم و انتو بقالكو ساعه بس مش ساعتين ???? و احنا واقفين كان معانا بوكسين و معاهم ظابط جايين يأمنونا لاننا فى الصحرا طبعا جيه اخباريه للظابط ان فيه اتوبيس جو باص تانى عطلان بعد 30 كيلو من موقعنا ...تخيلو

الصدمه_الاخيرة
والله والله والله ده حصل طبعا الراجل جيه بعد ساعتين مثلا و ركبنا كلنا و نزلنا الاستراحه و هنا كانت الصدمه اربع سواقين قاعدين قريب منى واحد منهم بيقول للتانى انا عطلت النهارده 3 مرات ???????? والله ما كنت مصدق عطل 3 مرات و احنا عطلنا مره و كان فيه واحد عطلان بعدينا يعنى 3 اتوبيسات ب 150 فرد اتعذبوا فى الصحرا و اتعرضوا للخطوره .....
لازم بقه جو باص ديه يا تقفل يا اما يتحقق معاهم و يبقى فيه عقاب امبارح كان معانا بنات كتير و ست كبيره عمرها ما تقدر على القرف ده الشركه ديه المهم عندها تاخد فلوس من الناس لكن مش مهم الناس توصل بأمان و مستريحه و ده غير اللخبطه بقه اللى بتحصل فى الكراسى والحجز .....صاحب الشركه ديه لازم يتحول للتحقيق


نبذة عن الكاتب